محمد نور: الدراما صعبة ومش بشارك فيها لأني بزهق
تحدث الفنان محمد نور، عن إمكانية مشاركته في الأعمال الدرامية بعدما خاض التجربة السينمائية، ونجاحه الكبير في الساحة الغنائية طوال السنوات الماضية.
وقال محمد نور في لقائه مع القاهرة 24: الدراما بتبقى صعبة أوي، واتعرض عليا كتير ولكن أنت ممكن تخرج من بيتك في شهر 11 وترجع في شهر 3، ولكن لو اتعرض عليا حاجة حلوة ممكن أوافق، ولكن الدراما صعبة أوي وأنا بزهق بسرعة.
كما علق على تجربته السينمائية الأخيرة، فيلم الحب بتفاصيله، قائلًا: الحمد لله فيلم الحب بتفاصيله نجح وعمل شغل كويس، وهينزل على المنصات الأيام اللي جاية، وأنا عملت فيه 5 أغاني.
وتابع: فيلم الحب بتفاصيله كان لطيف، وأي حد من الأسرة يقدر يدخله ومكنش فيه أي مشاكل ولا أي حاجة خادشة، وأنا كان نفسي أعمل حاجة ناس صغيرة وكبيرة يقدروا يدخلوها، والحمد لله الفيلم طلع محترم.
كما كشف محمد نور، تفاصيل فيلمه المقبل، قائلًا: إن شاء الله بنشتغل على حاجة كوميدي خفيفة، لسه أنا بكتب التفاصيل الصغيرة ورؤيتي للعمل، وهخلي ورشة كتابة تتولى كتابة السيناريو.
أبطال فيلم الحب بتفاصيله
فيلم الحب بتفاصيله من بطولة كل من: الفنان محمد نور وملك قورة، علاء مرسي، كريم الحسيني، مصطفى أبو سريع، مادلين طبر، والعمل من تأليف كريم الحسيني ومحمد مختار ومحمد السباعي وإخراج محمد حمدي.
