الثلاثاء 16 أبريل 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

لقاء الخميسي: المرأة مش محتاجة دراما تنصفها.. ومستنية أقدم فن مش قضايا

لقاء الخميسي
فن
لقاء الخميسي
الأحد 24/سبتمبر/2023 - 12:04 م

كشفت الفنانة لقاء الخميسي شروطها لاختيار أدوارها، مؤكدة أنه لا يجب على الفن من وجهة نظرها تقديم قضايا مجتمعية في أغلب الأحيان.

وقالت لقاء الخميسي في لقائها مع القاهرة 24: بختار أدواري بناء على الفيلم أو المسلسل والسيناريو اللي جايلي هل هو مناسب، وهل الدور هيخليني أعمل حاجة مختلفة وجديدة؛ لأن لو هعمل نفس الدور يبقى مالوش لازمة فين المتعة، لكن لو الشخصية جديدة وأبعادها مختلفة يبقى حاجة لطيفة.

وأوضحت لقاء الخميسي أن المرأة لا تحتاج لعمل فني ليظهر حقها في المجتمع، قائلة: المرأة بتنصف نفسها مش محتاجة حاجة تنصفها الحقيقة، والفن مش لازم يبقى قضية، الفن فن مش لازم طول الوقت نقدم قضايا نعالج بيها مشاكل علشان نبقى بنعمل فن، فأنا بالنسبة ليا مش مستنية قضية أنا مستنية أقدم فن.

أما عن إمكانية مشاركتها في الموسم الرمضاني المقبل، وأعمالها السينمائية المقبلة، أضافت لقاء الخميسي: معتدقش أني هشارك في رمضان، ولكن في عمل بعد رمضان إن شاء الله، ودلوقتي مبقاش في سينما، وربنا يكرمنا وترجع تاني.

لقاء الخميسي تكشف سبب قلة أعمالها الفنية

وفي وقت سابق، كشفت الفنانة لقاء الخميسي سبب أعمالها الفنية خلال الفترة الماضية، حيث قالت في تصريحات تلفزيونية: اختارت أريح وعمري ما قلت هي ليه واحدة زيي مبتمثلش، وعمري ما ندمت على أي تصريح قلته، أنا طول الوقت بتهاجم، والصحافة الصفرا بتدور على أي حاجة، لو كحيت هيقولوا لقاء كحت عشان كذا، الصحافة الصفرا هتفضل كده.

تابع مواقعنا