الثلاثاء 16 أبريل 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

لقاء الخميسي: المسرح أعظم مكان يقدم الفنان فيه نفسه.. ومفيش شغلانة مفيهاش صعوبات

لقاء الخميسي
فن
لقاء الخميسي
الإثنين 25/سبتمبر/2023 - 03:15 ص

أعربت الفنانة لقاء الخميسي عن عشقها الكبير للمسرح، مؤكدة أنه أفضل مكان يقدم الفنان نفسه للجمهور من خلاله، وأنها تتمنى العودة من جديد لتقديم عروض مسرحية.

وقالت لقاء الخميسي في لقائها مع القاهرة 24: المسرح مجال واسع جدًا للشباب أنهم يلاقوا فيه نفسهم، ويتحدوا كل العوائق اللي بتطلع مع الشباب لما بتبدأ تمثيل، أنا شخصيًا بحب المسرح جدًا، ونفسي أعمل مسرح تاني وبلاقي نفسي على خشبة المسرح، والمسرح أعظم مكان ممكن الممثل يقدم  نفسه فيه.

كما علقت لقاء الخميسي على تصريحات الفنانيين بصعوبة مهنة الفن، قائلة: مفيش حد بيشتغل مبيواجهش صعوبات في أي شغلانة علشان منبقاش بنقول على الفن بس، ولكن أي حد بيبدأ بيلاقي صعوبات.

لقاء الخميسي: المرأة مش محتاجة دراما تنصفها

وسبق وأكدت لقاء الخميسي في لقائها مع القاهرة 24، أن المرأة لا تحتاج لعمل فني ليظهر حقها في المجتمع، قائلة: المرأة بتنصف نفسها مش محتاجة حاجة تنصفها الحقيقة، والفن مش لازم يبقى قضية، الفن فن مش لازم طول الوقت نقدم قضايا نعالج بيها مشاكل علشان نبقى بنعمل فن، فأنا بالنسبة ليا مش مستنية قضية أنا مستنية أقدم فن.

أما عن شروط اختيار أعمالها الفنية، فعلقت لقاء الخميسي قائلة: بختار أدواري بناء على الفيلم أو المسلسل والسيناريو اللي جايلي هل هو مناسب، وهل الدور هيخليني أعمل حاجة مختلفة وجديدة، لأن لو هعمل نفس الدور يبقى مالوش لازمة فين المتعة، لكن لو الشخصية جديدة وأبعادها مختلفة يبقى حاجة لطيفة.

تابع مواقعنا