السيسي: لما أغني الناس هقدر أحسّن من كتير من اللي مش عاجبنا دلوقتي | بث مباشر
قال الرئيس عبد الفتاح السيسي، رئيس الجمهورية، خلال حضوره فعاليات جلسة العدالة الاجتماعية والصحة ضمن جلسات ثالث أيام مؤتمر حكاية وطن بين الرؤية والإنجاز، إن معهد ناصر سوف يصبح مدينة طبية عالمية.
مؤتمر حكاية وطن بين الرؤية والإنجاز
وتابع الرئيس السيسي: معهد ناصر هيبقى مدينة طبية عالمية.. طب هتتكلف كام وهتتعمل إزاي ده موضوع أنا أتصرف فيه مش الحكومة تتصرف فيه.
وأضاف الرئيس عبد الفتاح السيسي، أن نجاح الفكرة لا يتم إلا من خلال الفهم وكذلك الإصرار على نجاحها، قائلًا: الفكرة لازم يكون ليها مقومات نجاح وإلا هتبقى فكرة متخرجش أو تخرج ومتتكملش وتفضل قدام منك تزعلك.
واستكمل الرئيس السيسي: أنا بقالي سنين طويلة موجود معاكم هنا وكل يوم بشوف الدنيا والعجب.. إذا كنتم عاوزين تضمنوا مسار ناجح يبقى الدولة تخلص تلت تربع المشوار وتسيب الربع للقطاع الخاص.
وأوضح الرئيس عبد الفتاح السيسي، خلال حضوره جلسة العدالة الاجتماعية والصحة في مؤتمر حكاية وطن، أنه يتم تجهيز مشروعات صحية لطرحها على القطاع الخاص.
وقال الرئيس السيسي: أنا بعترف كدولة وحكومة مش قادرة توفر رقم مناسب لكل اللي الشغال في قطاعات الدولة وعلى رأسها التعليم والصحة.. وأنا بقول كده للمصريين عشان لما تيجي تجد مستوى مش عاجبك إوعى تقول الحكومة بتعمل إيه.. لكن اعرف إنك وانت بتقول اللي شايفه ده عشان تغيره لازم تبقى مع مصر.. ولما أغني الناس هقدر أحسن من كتير من اللي مش عاجبنا دلوقتي.
