مصر قفزت.. الرئيس السيسي يصف الحالة المصرية منذ هزيمة 1967 وحتى انتصار أكتوبر |بث مباشر

قال الرئيس عبد الفتاح السيسي، رئيس الجمهورية، إن هناك الكثير من الأحداث والتحالفات الدولية إبان نصر أكتوبر، وما سبقها كان لها تأثير كبير على مجريات الأحداث ومصائر الدول في ذلك الوقت، مؤكدا أن مصر نجحت رغم تلك التحديات في أن تعمل على الاستعداد لاسترداد أرضها.

الرئيس السيسي يشهد الاحتفال بالذكرى الخمسين لنصر أكتوبر

وأضاف الرئيس السيسي قائلا: بقول لكل واحد مهتم بالقضية وعاوز يعرفها.. القضية ما بدأتش في 67، القضية بدأت في أعقاب الضربة.. وفي وسط حالة الألم والهزيمة خرج المصريون وقالوا لا.. واستحملوا من 67 لحد 73 ظروف هائلة وضخمة.. وكان فيه صحيح دعم عربي.. لكن كل موارد مصر تم تخصيصها للمجهود الحربي.. وقضية الوعي اللي بقصدها هي غياب المشاهدة.. اللي بيتكلم غير اللي عاش.. ولازم حد يقولهم الحكاية بعمقها والجهد والإصرار اللي عمله المصريين رفضا للهزيمة.. ودا أدهش الإسرائيليين نفسهم.

وتابع: كان فيه في الوقت دا صراع بين قوتين دوليتين الولايات المتحدة والاتحاد السوفيتي.. ولما أقول دا دلوقتي للجيل اللي مش عاش دا ميقدرش يقول تأثير دا على مجريات الأمور.. وكان بيتم تقرير مصائر الدول من خلال بعض المباحثات بين الدول دي.. ودا اتغير بعد عام 90.. ودا كان ليه تأثير كبير جدا على بناء قدراتنا.. وأننا نستكمل المهمة ونستعيد أرضنا.

واستكمل: لو عشت ودقت  الحالة من 67  لـ 73 هتعرف إن مصر مش انتصرت.. لا مصر قفزت.. ليه لأن لما يكون فيه طرفين متساويين في القدرة والقوة ومن ضمنها القوة المعنوية.. والمنتصر القوة المعنوية تختلف عن القوة المعنوية للمنهزم.. وموشيه دايان قال إن مصر تحتاج 50 سنة لبناء جيشها.. كل دا استطاع الجيش المصري يكسر حاجز الخوف وفرق القوة.. دا ما كنش انتصار دي قفزة.