عرضت الأحداث الحقيقية.. شقيقة محمد صلاح تدعم فلسطين بفيديو عبر إنستجرام
دعمت رباب صلاح، شقيقة لاعب المنتخب المصري ونادي ليفربول محمد صلاح، الفلسطينيين من خلال فيديو نشرته عبر خاصية الاستوري على إنستجرام، يشرح الأحداث الحقيقة للاحتلال الصهيوني لفلسطين.
شقيقة صلاح تدعم فلسطين
وتظهر خلال الفيديو فتاة صغيرة، تشرح أحداث فلسطين باللغة الإنجليزية، فتقول: خلي بالك لأن كل مرة بيضحكوا عليك من خلال أفلامهم.
وتضيف الفتاة عبر الفيديو: تبدأ بالفيلم الخيالي، اللي مدته 75 سنة واتصرف عليه الملايين من أكبر دول العالم، وبيحكي عن مجموعة من الناس اتسللوا لدولة، موجودين أهلها أصلا وعايشين فيها من زمان، والغريب هنا أنهم عايزين يبنوا ليهم دولة جواها.
شرح الأحداث الحقيقية
وأوضحت: وبيحاولوا طول أحداث الفيلم إقناع المشاهد، إن ده ممكن يحصل عادي ويعيشوا في سلام، ويجي بعده الفيلم الدرامي اللي بيحكي عن نفس المجموعة اللي المفروض إنها مسالمة، وبتتعرض لهجوم من مجموعة من أصحاب الأرض الأصليين وبيتهموا بذبح أطفالهم من غير سبب أو وجه حق.
وواصلت: وأخيرًا فيلم الإثارة، بيظهر نفس المجموعة بينتقموا فيها من المجموعة أصحاب الأرض، وبينتزعوا كل صفات الإنسانية الموجودة جواهم وبيعملوا فيهم كل اللي هما عايزينه ومش بس كده هما أصحاب الأرض كمان، لكن فجأة بتتحول أحداث الفيلم ومحاول غسيل دماغ المشاهد، وإقناعه أنهم الناس البريئة وأنهم بيؤمنوا بكل القيم الإنسانية، بس عارفين الكارثة فين إن لما بتتعرض القصة التاريخية الحقيقية واللي بتوضح من هم أصحاب الحق بيتم حظرهم من جميع دور العرض فورًا.
واختتمت: بس هتفضل الحقيقة موجودة مهما حصل، احنا دلوقتي في 2023 وتقدر بكل سهولة إنك تدور على الحقيقية ومتصدقش الأفلام اللي بتغسل دماغك.
وفي صباح السبت الماضي، اقتحمت عناصر كتائب القسام التابعة لحركة حماس، مستوطنات تتبع الاحتلال الإسرائيلي في قطاع غزة بفلسطين، وأطلقت على العملية طوفان الأقصى، ووقع مئات القتلى في الجانب الإسرائيلي، فيما تم اعتقال العشرات.
