عمر كمال يتحدث عن الغربة: مش كل حاجة تتحسب فلوس
تحدث مطرب المهرجانات الشعبية عمر كمال، عن الغربة وشعور المغتربين بعد ترك عائلاتهم والسفر خارج البلاد للعمل.
وقال عمر كمال في فيديو عبر حسابه الشخصي بموقع تبادل الصور والفيديوهات إنستجرام: الناس بتشوفهم في الصيف راكب عربية حلوة جاب شقة جاب هدايا وبيصيف، لكن هما بيسددوا ديون محدش يعرف يسدها، تاخد كان وتشوف ابنك بيكبر بعيد عن عينك ومتبقاش جمب حد حبيبك في فرحه وحزنه ولو حد مات عزيز عليك ومكنتش معاه.
وأضاف عمر كمال: تاخد كام والناس بتنساك علشان أنت بعيد عنهم وأنت شايف حياتك وعمرك بيعدوا وأنت بعيد عن أهلك وأصحابك، مش كل حاجة تتحسب فلوس، ده تمن الغربة اللي هما بيدفعوها.
عمر كمال عن سبب إحيائه حفلات في ظل أحداث فلسطين: أكل عيشي ولازم أفرح الناس
وعلى جانب آخر، سبق أن كشف عمر كمال سبب إحيائه الحفلات وحفلات الزفاف في ظل أحداث غزة، وذلك على الرغم من إعلان تضامنه مع الشعب الفلسطيني، حيث كتب عبر حسابه بموقع إنستجرام: مساء الخير على كل حبايبي وإخواتي، أنا بنزل شغلي عادي وشغال الحمد لله، لإن ده أكل عيشي ولازم أنزل أفرح الناس ولازم ألتزم بأي اتفاق قلته للناس، وكمان علشان ورايا حوالي 40 فرد بـ 40 أسرة شغالين معايا فاتحين بيوت.
وأضاف عمر كمال: لكن أنا بتأسف لأي حد بيعملي منشن في الاستوري بتاعته الفترة دي مش هقدر أقبله مراعاة لمشاعر إخواتنا في فلسطين ولكل إنسان حاسس حالة حزن على اللي بيحصل، ربنا يسعدكم يا رب ويا رب أكون قدرت أسعدكم في مناسباتكم سواء فرح أو حفلة بس سامحوني الفترة دي.
