فتاة تستغيث من ظلم عمها: اكتشفت بعد 24 سنة إنه كان ليا ورث وهو ناصب عليا.. وطردني ومكنتش لاقية آكل | بث مباشر

استغاثت فتاة تدعى سهى، من محافظة القاهرة، بعد تعرضها للنصب على يد أعمامها، حيث استولوا على إرثها هي وأشقائها البنات الثلاثة، لتكتشف بعد 24 سنة أن لها ورثا من والدها هي وأشقائها.

وقالت سهى التي تبلغ من العمر 35 عاما، إن والدها توفي عندما كان عمرها 11 عاما، وإن والدها قبل وفاته انفصل عن والدتها وتزوج كل منهما بآخر.

وتابعت سهى أنها بعد وفاة والدها توجهت لتعيش مع جدتها ولكنها اختلفت معها فطردتها، وذهبت للعيش مع والدتها فطردتها أيضا، ثم ذهبت لتعيش مع عمها وابنته، وبالفعل استضافها لمدة 6 أشهر لكنه طردها فيما بعد، مضيفة: قولتله أروح فين ولمين قالي مليش دعوة بس متقعديش معايا تاني، وروحت أخدت شقة ودخلت الجامعة وعشت لوحدي وكنت على صلة بهم وبأخبارهم.

وأضافت سهى: بعد ما اتجوزت وخلفت بنت وماتت لقيته بيتواصل معايا تاني لإنه متعاطف معايا، وكان بيبعتلي مصاريف ضئيلة أصرف منها ولكن بعد ما عرفت إن ليا ورث وطالبته به قطع عني الفلوس دي.

واستكملت سهى: عمي دا أنا كنت بعتبره زي أبويا وكنت بحبه وبحترمه جدا.. إداني 35 ألف جنيه مقابل إني أنسى الأرض الورث بتاعت أبويا اللي في الصعيد.. لقيته فجأة بيقولي هديكي 30 ألف جنيه منه و30 ألف من عمي الثاني و10 آلاف دولار علشان أجيب شقة.

وتابعت: كان بيسلفني وبيديني من فلوس أبويا علشان يسكتني، وأنا ليا ورث في أراضي وهما استولوا عليها، وعرفت بعدين إن والدي كان بيشيل معاه فلوس، ولكن بعد ما مات استولوا على دا كله.. ومعايا أوراق تثبت إن ليا ورث.