بعد انتقادات مشاركته في زواج اصطناعي│ بيومي فؤاد باكيًا: إحنا اتظلمنا واتهنا.. ومحمد أنور المفروض ينتحر لو كده | فيديو
أعرب الفنان بيومي فؤاد عن استيائه من الانتقادات التي وجهت لأبطال مسرحية زواج اصطناعي، مشيرًا إلى أنهم لا يقدمون ضحكًا بل يقدمون فنًا، مؤكدًا أنه تعرض للظلم.
وقال بيومي فؤاد بعد انتهاء عرض مسرحية زواج اصطناعي باكيًا: أنا وكل زملائي دول إحنا بنحبكم وهنفضل طول عمرنا نحترمكم.. كتر خيركم.. إحنا بنتعب وبنقدم فن مش عشان نيجي نضحك.. لو الموضوع كدة يبقى فيه فنانين من أيام نجيب الريحاني لغاية محمد أنور المفروض ينتحروا.. تحياتي لحضراتكم أنا آسف.
بيومي فؤاد: إحنا اتظلمنا واتهنا
وأضاف بيومي فؤاد: إحنا اتظلمنا والله واتهنا وإحنا جايين نقدم فن.. اقسم بالله احنا مش بتوع فلوس.. والله العظيم لو العرض ده اتعمل بدون أجر لمدة 15 يوم كمان هيبقى لينا شرف وفرحانين جدًا.. وسيادة المستشار يعلم ده.
حقيقة طرد بيومي فؤاد لـ محمد سلام
وفي نفس السياق، انتشرت خلال الساعات القليلة الماضية، أنباء تفيد بأن بيومي فؤاد كان سببًا في طرد الفنان محمد سلام من المسرحية، ولكن تلك الأنباء منتشرة فقط على صفحات مواقع التواصل الاجتماعي مجهولة الهوية.
وعلق محمد سلام خلال تصريحات خاصة لـ القاهرة 24 على نبأ طرد بيومي فؤاد له، موضحًا: أنا مسمعتش ولا شفت أستاذ بيومي قال حاجة عني.
