قصة كفاح مسن يبيع شاي بالإسماعيلية: محدش بيسأل عني.. ومحتاج عملية عشان أعرف اشتغل| بث مباشر
يكافح عم مجدي، مسن يبلغ من العمر 63 عاما، من محافظة الإسماعيلية، على مدار 50 عاما على نصبة شاي في شوارع مركز ومدينة أبو صوير بمحافظة الإسماعيلية، لإعالة أسرته وزوجته المريضة طريحة الفراش، كما تمكن من تزويج نجلته.
قصة كفاح مسن بالإسماعيلية
وقال عم مجدي إنه منذ أن كان طفلا صغيرا وهو يكافح من أجل كسب لقمة العيش، مضيفا: مسبتش شغلانة إلا واشتغلتها، وجوّزت بنتي من كوباية الشاي.
واستغاث عم مجدي قائلا: أنا مريض ومحتاج عملية جراحية ولكن مش قادر على المصاريف.. أنا مش بقدر أجيب فراخ ولا لحمة ومش بناكل غير فول.. نفسي حد يساعدني وأقدر أعمل العملية علشان أقدر أشتغل.
واستكمل عم مجدي: بنتي من وقت ما جوزتها وهي مبتسألش عني ومراعتش إني كافحت علشان أقدر أجوزها.. ونفسي أشوف ابني لكنه مش بيسأل عليا ولا بيتصل بيا.. ومليش حد غير زوجتي المريضة اللي بكافح علشان أقدر أأكلها ونعيش أنا وهي.. مش طالب منهم حاجة غير إني أشوفهم، ولكن ربنا عوضني بحب الناس، الناس كلها بتحبني وبتسأل عني لو غبت.
