محمد فهيم عن أزمة بيومي فؤاد ومحمد سلام: خلونا نفوق ونركز على القضية الفلسطينية
علق الفنان محمد فهيم، على الأزمة بين الفنان بيومي فؤاد والفنان محمد سلام، بسبب مسرحية زواج اصطناعي، بجانب حديثه القضية الفلسطينية.
وقال محمد فهيم في لقائه مع القاهرة 24: مفيش خلافات والاتنين أصلًا حبايبي وإخواتي، واللي في العالم الافتراضي اللي هما صفر، بيشحنونا بحقن إن نبقى ضد بعض ويفهمونا إن في خلافات، هما عايزين يفرقونا طول الوقت بس مش عارفين، فمبيصدقوا يلاقوا اختلاف في طريقة التعبير ويستخدموها ويحولها إلى خلاف، ويشحنونا ونبقى ضد بعض لغاية ما نبقى مجتمعات صغيرة ومالناش كلمة.
وتابع محمد فهيم: إحنا المفروض مايلهوناش في العالم الافتراضي، ونركز على أرض الواقع، خلونا نفوق شوية ونسيب أي كلام يعمل بينا أي خلاف، ونركز إن عندنا قضية فلسطينية وكلنا وراها، ومفيش حد يقدر يتهم حد أنه ضد القضية الفلسطينية، دي جريمة لو حد قال كده، لأن إحنا متربيين عليها وعايشينها هي جزء من روحنا وتكوينا.
وأضاف محمد فهيم: الشعب المصري كله أكيد مع القضية الفلسطينية والمهم أننا نتحرك بشكل عملي وندعم القضية بالتبرعات، وأي حاجة هتطلب مننا إحنا مش هنتأخر.
أزمة بيومي فؤاد ومحمد سلام
وعلى جانب آخر، تعرض الفنان بيومي فؤاد لهجوم عنيف من الجمهور، بعدما هاجم الفنان محمد سلام الذي اعتذر عن المشاركة في مسرحية زواج اصطناعي بسبب تضامنه مع القضية الفلسطينية، حيث صرح بيومي فؤاد بأنهم يقدمون رسالة بالأعمال الترفيهية، التي يقدمونها بالخارج، وهدفهم الأسمى هو الحفاظ على الفن، وليس جني الأموال مثلما يظن البعض.
