خلص شغلك وخلاص.. حمو بيكا يعلق على أزمة بيومي فؤاد والهجوم عليه: لو مكانه أخلص شغلي وامشي
علق مطرب المهرجانات حمو بيكا، على الأزمة التي جمعت بين الفنان بيومي فؤاد والفنان محمد سلام بسبب مسرحية زواج اصطناعي بطولة الفنانة مي عز الدين.
وقال حمو بيكا في تصريحات تلفزيونية: بيومي فؤاد حد كويس، والناس طلعت عليه مرة واحدة، والكلام اللي قاله صح ومش صح، يعني أنت صح كراجل شفت شغلك وحياتك، خلص شغلك وخلاص، أنت طلعت اتكلمت على زميل ليك، والدنيا اتقلبت عليك.
وأضاف حمو بيكا: أنا لو مكانه أخلص شغلي وامشي وماليش دعوة بحاجة وكل واحد حر، وفي الآخر الاثنين هيرجعوا إخوات وشعب مصر بينسى، كله بينسى حتى لو غلط كله بينسى، احنا شعب طيب يطلع ومرة واحدة تلاقي الموضوع ولا كأن حاجة حصلت، سابوا القضية واتكلموا على بيومي فؤاد قفلهم الفيس لأنهم هانوه بألفاظ وشتيمة.
حمو بيكا يرزق بمولدته الأولى
وعلى جانب آخر، أعلن حمو بيكا استقباله مولودته الأولى تاج من زوجته شمس، إذ علق عبر حسابه الرسمي بموقع تبادل الصور والفديوهات انستجرام: ألف حمد وشكر ليك يا رب.. ربنا رزقني بتاج حمو بيكا، ربنا يباركلي فيها يا رب.. ويجعلها سند ليا.. ويرزقني برزقها وأشوفها أحسن الناس.
حمو بيكا يدعو الفنانين لطرح أغنية دعمًا لفلسطين
سبق ودعا حمو بيكا زملائه الفنانين لطرح أغنية لدعم أهالي غزة والقضية الفلسطينية، مؤكدًا أن أرباح هذه الأغاني سوف يتم التبرع بها لمساعدة أهل قطاع غزة بعد الأحداث الأليمة التي لحقت بهم جراء حربهم مع إسرائيل المحتلة، إذ كتب: مساء الخير، طبعًا أنا فنان وفي ظل هذه الظروف اللي بتمر بيها فلسطين وأهلنا هناك.. أنا لا أملك إلا الدعم الفني والمادي والمعنوي، علشان كده قررت أعمل أغنية لدعم القضية الفلسطينية و100% من أرباحها هتبرع بيها لدعم إخواتنا في غزة.
