صدقي صخر عن تعاونه مع حنان مطاوع في صوت وصورة: فيه بينا كيميا جميلة
تحدث الفنان صدقي صخر، عن تعاونه مع الفنانة حنان مطاوع في مسلسل صوت صورة، معربًا عن سعادته الكبيرة بنجاح العمل.
وقال صدقي صخر، في لقائه مع القاهرة 24، عن تعاونه مع حنان مطاوع: هي شخصية في قمة التفاني في الشغل، وهي بتحترم مهنتها جدًا وبتبذل فيها أقصى طاقة وبتحط فيها من روحها، وده بيخلي الواحد قدامها معندوش اختيار غير أنه يبقى حقيقي وأنا اتبسطت بالمشاهد اللي بينا جدًا، لأنها من أكتر المشاهد السلسة والحقيقية وحتى كواليسها كانت جميلة، وكان في بيننا كيمياء جميلة جدًا.
وعلق صدقي صخر، على حديث الجمهور عن نبرة صوته في مسلسل صوت وصورة، قائلًا: أنا مبسوط إن الناس واخدة بالها منها، لإن دي حاجة أنا اشتغلت عليها لإن طريقة كلام الشخصية مش زي طريقة كلامي في العادي، وهي طريقة جاية من المرافعات، وأنا مبسوط إن الجمهور مقدر المجهود ده كله.
صدقي صخر: لم اتردد في قبول دوري بمسلسل صوت وصورة
وسبق أن أكد صدقي صخر، في لقائه مع القاهرة 24، أنه لم يتردد نهائيًا في قبول دوره بمسلسل صوت وصورة: مترددتش خالص في قبول الدور؛ لإنها شخصية جذابة جدًا وكان لها أبعاد يعني حتى ظاهريًا كان لها شكل مميز زي الجلابية والشاي بالنعناع وتفاصيل الجزمة وأنه بيلبس شبشب في المكتب، كل دي كانت عوامل جذابة في الشخصية تخلي أي شخص يعملها.
أبطال مسلسل صوت وصورة
مسلسل صوت وصورة من بطولة حنان مطاوع، صدقي صخر، عمرو وهبة، ناردين فرج، مراد مكرم، وليد فواز، نجلاء بدر ومن تأليف محمد سليمان عبد المالك، وإخراج محمد عبد التواب، ومن إنتاج أروما استديوز للمنتج تامر مرتضى، ويتم عرضه حاليًا على قناة dmc ومنصة watch it.
