وليد فواز: المؤلف قالي شخصيتك في مسلسل صوت وصورة محدش هيلعبها زيك
تحدث الفنان وليد فواز عن نجاح مسلسل صوت وصورة بطولة الفنانة حنان مطاوع، وعن شخصية عبد الغني وتحضيره للدور.
وقال وليد فواز خلال ندوته في القاهرة 24: نجاح مسلسل صوت وصورة كرم من ربنا لينا كلنا.. والجمهور لقى جرعة من النكد وتوحد معاه.
وعن ترشيحه لشخصية عبد الغني، أضاف وليد فواز: المؤلف محمد سليمان عبد المالك قالي محدش هيلعب الدور زيك وقرأت المسلسل وهو مكتوب منه 5 حلقات والمخرج محمود عبد التواب قالي أوعدك أنك هتستمتع.
واستكمل فواز حديثه: أنا بركز في الشخصية بتاعتي والخط بتاعي عامل ازاي.. ومصممة الأزياء عبير البدراوي هي اللي قالت ليا على التيشرت المكمكم وكلهم على السوشيال ميديا قالوا الرجل ده مش بيستحمى بنشم ريحته من ورا الشاشة.
مسلسل صوت وصورة
يضم مسلسل صوت وصورة عدد كبير من الفنانين أبرزهم: حنان مطاوع، صدقي صخر، ناردين فرج، نجلاء بدر، عمرو وهبة، فدوى عابد، وعدد آخر من الفنانين، والعمل من تأليف محمد سليمان عبد المالك وإخراج محمود عبد التواب، وإنتاج شركة أروما استديوز، وحقق العمل نجاحًا كبيرًا على مواقع التواصل الاجتماعي.
