تامر مجدي: الجندي علي علي في الاختيار 1 وش السعد عليا.. وبتواصل مع والدته وبتدعيلي دايما
تحدث الفنان الشاب تامر مجدي عن شخصية الجندي علي علي في مسلسل الاختيار 1، وعن ردود أفعال الجمهور على الدور، قائلًا: هفضل مدين للدور ده.
وقال تامر مجدي، خلال ندوته في القاهرة 24: دور الجندي علي علي هو النقلة الحقيقية ليا وهو وش الخير ووش السعد عليا.. وهفضل مدين ليه لآخر يوم في عمري.
وأضاف تامر مجدي: الدور ده هو السبب إن تامر يتعرف، أصلا قبلها بـ 15 سنة كنت بمثل، ونادرا لما كان حد يعرفني في الشارع وبعد دورعلي علي الوضع اختلف في الشغلانه وعلى السوشيال ميديا.
وعن تواصله مع أهل الجندي، أوضح تامر: بروح أزور والدته لغاية دلوقتي وبتواصل معاها، ولما بكون في أزمة بكلمها تدعيلي وفعلا ربنا بيناجيني.
آخر أعمال تامر مجدي
يعد مسلسل العودة آخر أعمال تامر مجدي، ويعرض في الوقت الحالي على قناة DMC، ويضم عددا كبيرا من النجوم أبرزهم: شريف سلامة، تارا عماد، بسنت شوقي، عصام السقا، وعددا آخر من الفنانين، والعمل من تأليف أمين جمال وإخراج أحمد حسن.
