كروان عايز يفضحني عشان نشرت فيديو جوازنا.. اعترافات إنجي حمادة بعد القبض عليها| بث مباشر
اعترفت الإعلامية إنجي حمادة، صاحبة فيديو المطبخ مع التيك توكر كروان مشاكل، على خليفة اتهامها بالتعدي على قيم المجتمع ونشر الفسق والفجور، بأن سبب تصوير مقطع الفيديو المنتشر على مواقع التواصل الاجتماعي يعود إلى طلب كروان مشاكل تصوير الفيديو بعد أن نشرت فيديوهات الزواج العرفي الخاص بهما.
اعترافات إنجي حمادة
وقالت سماح الشهيرة بـ إنجي حمادة خلال التحقيقات: كروان اللي صور الفيديو من موبايله من كاميرا الموبيل العادية، لما كنا في البيت عندي، وهو قالي تعالي نصور فيديو للذكرى وصورناه وده كل اللي حصل.
وأضافت إنجي حمادة: صورنا الفيديو في المطبخ جوه بيتي، وكروان نشره على حسابه على التيك توك، ومكنتش أعرف حاجه زي كده ومكنتش أعرف إنه هينشره.
واتهمت إنجي حمادة التيك توكر كروان مشاكل بأنه يتعمد إفضاحها، حيث قال: كروان كان عايز يفضحني وينشر الفيديو بسبب إني نشرت الفيديو اللي كنا بنتجوز فيه على التيك توك وهو مكنش عاوز واحدة معينة تعرف إننا بنتجوز وعلشان كده هو نشره.
وروت إنجي حمادة تفاصيل القبض عليها، قائلة: كنت في بيتي بالتجمع الأول، وكنت بعمل لايف على التيك توك وبعدين لقيت الباب بيخبط وبصيت من الكاميرات عندى لقيت حد واقف على الباب، فرحت على الباب وسألت أنت مين، قالي مباحث وسألته عايز مني ايه قالي عايزينك تيجي معانا، فأنا فهمت إن هو بسبب موضوع الفيديو اللي انتشر على التيك توك، وكنت ظاهره فيه أنا وكروان لأن الفيديو عمل ضجة.
