حسام حسن: الزمالك مش حمل رحيل زيزو في الوقت الحالي
حرص حسام حسن المدير الفني السابق لـ نادي الزمالك على التعليق بشأن رغبة نادي الشباب السعودي في التعاقد مع لاعب الفريق الأول لكرة القدم في نادي الزمالك أحمد سيد زيزو في فترة الإنتقالات المقبلة
تصريحات حسام حسن
و قال حسام حسن في تصريحات تلفزيونية: زيزو مهما كانت الظروف اللي بيتعرضلها النادي، وبالرغم إن أكيد زيزو محتاج الجزء المادي، لكنه ماحسسش الجمهور في مرة أو الجهاز الفني إنه مقصر في الملعب لإنه بيلعب بـ روح.
و تابع: التوقيت بالنسبة لـ زيزو ونادي الزمالك هو الأهم، ممكن زيزو في وقت من الأوقات تستفاد منه ماديا وياخد فرصته كمان، لكن التوقيت إمتى، نادي الزمالك في ظروف دلوقتي مش محتاج يتعرض لأي أزمة في إن زيزو مايبقاش موجود.
و أضاف: ممكن الموسم الجاي لما مجلس الإدارة يكون إتعاقد مع لاعيبة تعوض زيزو وعندهم حلول فنية، ممكن وقتها زيزو ياخد فرصته وإدارة الزمالك تستفيد ماديا.
و أكمل: لكن التوقيت دلوقتي صعب جدا رحيل زيزو عن الزمالك الموسم الحالي، لأن رحيل زيزو هيأثر على مستوى الفريق بـ نسبة 70%.
و أتم تصريحاته قائلا: لو الزمالك عايز يكمل الدوري بشكل عادي وإنك مش هتنافس على البطولة، خلاص زيزو يمشي، لكن لو عايز تنافس على البطولة والبطولات اللي جاية يبقى زيزو يكمل في الفريق وتأجل إحترافه للموسم المقبل.
مصدر بالزمالك يكشف موقف النادي من رحيله
كشفت تقارير صحفية سعودية عن رغبة نادي الشباب السعودي في التعاقد مع أحمد سيد زيزو في فترة الإنتقالات الشتوية المقبلة
وأكد مصدر داخل نادي الزمالك في تصريحات خاصة لـ القاهرة 24 أن رحيل أحمد زيزو مرفوض تماما مهما كان المقابل المادي.
و أشار المصدر في تصريحاته أن زيزو أحد الاعمدة الرئيسية في الفريق ويمثل قوة كبيرة جدا في تشكيل الزمالك الأساسي وبالتالي رحيله مرفوض.
