مكرونة بالرنجة.. سيدة تبيع أكلات شعبية بالدرب الأحمر: شقيانة على ابني من 30 سنة بعد وفاة جوزي | بث مباشر

قصة كفاح سيدى تدعى أم سامح، والتي تعمل على عربة لبيع أكلات شعبية في منطقة الدرب الأحمر التابعة إلى محافظة القاهرة، حيث إنها تشتهر بطبق المكرونة بالرنجة الذي ابتكرته وقدمته لزبائنها ونال إعجابهم بشكل كبير.

قصة كفاح سيدة في الدرب الأحمر

وقالت أم سامح إنها بدأت مشروعها بتكلفة بسيطة تقدر بـ 1000 جنيه فقط، حيث كانت تقدم أكلات شعبية بسيطة مثل الجبن القديم.

وأضافت: أول ما بدأت كان بالجبنة القديمة وبعدها بدأت أدخل الرنجة، والناس قالولي عاوزين ندوق المكرونة بتاعتك وفكرت أعمل مكرونة بالرنجة والحمد لله عجبت الناس.. وكمان بعمل مكرونة عادية ومكرونة بالكبدة.

وأوضحت أم سامح أنه مع مرور الوقت ازداد الطلب من زبائنها على طبق المكرونة بالرنجة من شدة إعجابهم به، قائلة: الناس بتجيلي من كل حتة عشان ياكلوا مني طبق المكرونة بالرنجة.

كما أشارت إلى أن زوجها توفى منذ 30 عامًا وبعد رحيله عملت في أكثر من وظيفة حتى يمكنها أن تتولى مسؤولية تربية نجلها سامح، معقبة: عايزة ابني يبقى له مستقبل في حياته وبيشتغل على مشروع كويس.

واختتمت حديثها قائلا: مافيش شغلانة مشتغلتهاش من بعد وفاة جوزي عشان أربي ابني.. وفضلت معاه ووراه لحد ما كمل تعليمه وفتحنا المشروع بتاعنا.. أنا تعبت وشقيت كتير في حياتي عشان ابني والحمد لله إنه واقف معايا وقدرت أبعده عن كل حاجة وحشة.