أحمد العوضي يدلي بصوته في الانتخابات الرئاسية: اتفاجئت بالإقبال الجماهيري الكبير
أدلى الفنان أحمد العوضي بصوته في الانتخابات الرئاسية بمنطقة عين شمس مسقط رأسه، مشيرًا إلى أنه تفاجئ بالإقبال الجماهيري في اللجان الإنتخابية والإدلاء بأصواتهم.
وقال أحمد العوضي خلال لقائه مع القاهرة 24 أمام لجنته الانتخابية: بدلي بصوتي من ساعة ما بقى لينا الحق في إننا ننتخب، واديت صوتي؛ لأن ده حقي وحق كل مصري لازم الشعب المصري ينزل وينتخب؛ لأن احنا الدستور بيكفلنا ده.
وأضاف: وشايف إن فيه إقبال كبير جدًا مكنتش متخيله وسعدت إني شوفت كل ده؛ لأن هو ده الشعب المصري، وشايف إن الشباب كلهم برا ودول شباب عين شمس.. ديه منطقتي وبطاقتي لسه عين شمس عشان كده جيت هنا، فيه شباب وستات كتير واتفاجئت بيهم نازلين يدلوا بصوتهم.
وأردف أحمد العوضي: اتبسط جدًا إني شوفت أخواتي هنا وأنا منهم وديه بلدي اللي اتربيت فيها واتبسط إني جيت هنا، واتفاجئت بالإقبال الجماهيري ده كله وفرحت بيه، ومكنتش عارف ومتخيل الكثافة ديه والناس فرحانة إحساس من جواهم إنهم نازلين يقولوا صوتهم.
أحمد العوضي في رمضان 2024
بدأ أحمد العوضي تصوير مسلسل حق عرب المقرر المنافسة به في موسم دراما رمضان 2024ـ بعد الانتهاء من مرحلة التحضيرات مع المخرج إسماعيل فاروق والمؤلف محمود حمدان.
كما انتهى مؤخرًا العوضي من تصوير فيلم الإسكندراني مع المخرج خالد يوسف، المأخوذ عن رواية للكاتب الكبير أسامة أنور عكاشة.
