المرشح الرئاسي حازم عمر: انزل وانتخب اللي أنت عاوزه.. ولدينا خطة لوقف الحرب بغزة | بث مباشر

حرص المرشح الرئاسي حازم عمر على تفقد اللجان الانتخابية في عدد من محافظة الجمهورية، في ثاني أيام الانتخابات الرئاسية 2024.

وقال المرشح الرئاسي حازم عمر: لازم تختاروا اللي انتو عاوزينه، مش مهم تختار مين المهم تختار اللي أنت عاوزه، علشان اللي أنت عاوزه هو اللي هيتحقق، وعمره ما هيتحقق إلا لو نزلت.

وأردف المرشح الرئاسي حازم عمر: تنازلك عن صوتك وعدم مشاركتك هو اللي ممكن يجيب لك نتائج قد لا تكون أنت عاوزها.

أما بالنسبة للحياد من جانب الدولة بالنسبة للمرشحين الأربعة، فقال حازم عمر: إحنا بنتقدم، أقدر أقول إن المرة دي أحسن من المرة اللي فاتت، وفيه تقدم.

وأضاف حازم عمر: نتمنى إن مشاركتنا تكون أعلى لأن كل ما تكون أعلى كل ما تكون عنوان لإرادة المصريين.

وأردف حازم عمر: أنا شايف إن الناس متحمسة للمشاركة في الانتخابات لأن في منافسة، فطالما انعدمت المنافسة الناس مش هتشارك، وكل ما تنعدم المنافسة كل ما هتقل المشاركة.

أما عن تعليقه على القضية الفلسطينية، فقال حازم عمر: إحنا عندنا ثوابت وبنتحرك من الثوابت دي، ومطالبنا واضحة تماما وهي وقف هذه الحرب فورا ولازم إنها تقف، ورقم اثنين لازم إننا نوفق أنها حصل فيها انتهاك للقانون الدولي الإنساني ولا يجب أن تمر هذه الانتهاكات هكذا، على الأقل يوثقها التاريخ.

واختتم: رقم ثلاثة على الفصائل الفلسطينية أن تبدأ فورا في حل الدولتين، وبرعاية وضمانه دولية، وبمؤتمر دولي راعٍ وبجدول زمني لا يزيد عن عام، وتبدأ المفاوضات من حيث انتهت اجتماعات طابا، وأخيرا على الفصائل الفلسطينية أن تنحي خلافاتها وأن تتحد خلف قيادة تمثل الشعب الفلسطيني.. دا لو إحنا عاوزين نوصل لحل للدولتين وحل هذه القضية التي طال أمدها جدا.