المرشح الرئاسي حازم عمر خلال تفقده لجان البحيرة: كل مرشح بيحاول يقدم أفضل ما لديه| بث مباشر
حرص المرشح الرئاسي حازم عمر على تفقد عدد من اللجان الانتخابية في محافظة البحيرة، وسط هتافات مريديه.
وقال حازم عمر: أنا مبسوط جدا إني في محافظة البحيرة، ودي آخر محطة ليا في الأربع محافظات اللي لفيت عليهم النهارده، ونسبة المشاركة كويسة جدا، ودي معناها إننا بدأنا نتحرك على أرض الواقع وفي الاتجاه الصحيح.
وأكد حازم عمر أن هناك نسبة كبيرة من الشباب تشارك خلال الفترة الحالية من الانتخابات، وهي نسبة في رأيه لم تكن موجودة سابقا، وتابع: المنافسة شديدة ولكن فيها احترام، وقدرنا إننا ندي مثال على المنافسة في حب مصر.
ووجه حازم عمر رسالة للمواطنين قائلا: بتمنى كل الناس تنزل تنتخب، وكل واحد يختار مرشح كيفما يحلو له لأنه مفيش خناقة وإحنا مش بنهزر، ولكن كل واحد بيحاول يقدم أفضل ما لديه حبا في مصر والوطن، وعشان كدا الناس نزلت وشاركت.
كما وجه حازم عمر رسالة للشباب قائلا: أنتم الأمل وأنتم المستقبل وفي قلبي وعقلي، وأنا سعيد إني أنا شوفت مشاركة كبيرة منكم لإن اختياراتكم جزء من رسم مستقبلكم، واللي بيتخلى عن صوته بيتخلى عن إرادته، وبالتالي لسه في عندنا شوية وقت وبقول لكل واحد لسه منزلش انزل شارك علشان يكون قرارك بإرادتك، وما تسبش حد يخدلك قرارك.
