وفاء عامر: أطالب الرئيس بالاهتمام بالفقراء وتوفير السلع لهم.. والطرق والكباري وفروا علينا الوقت | بث مباشر

حرصت الفنانة وفاء عامر على النزول من أجل الإدلاء بصوتها في انتخابات رئاسة الجمهورية 2023.

وعلقت وفاء عامر على التجمعات الكبيرة للمواطنين أمام اللجان الانتخابية: أنا بتشرف بيهم، بتشرف بالشعب المصري، وبالناس اللي حريصة تنزل، وبتشرف بالجمهور اللي قابلني بره بمنتهى الترحاب، وإن المسؤولين عن تنظيم العملية الانتخابية عندهم صبر برغم الزحمة.

وتابعت وفاء عامر: النهارده الإقبال أكتر من أي يوم تاني، ومفيش حد منزلش، واللي منزلش أكيد عنده ظرف صحي.. الازدحام على الانتخابات المرة دي أكتر من أي وقت تاني.

واستكملت وفاء عامر: أنا بطالب الرئيس عبد الفتاح السيسي أنه ينظر للفقير، وإن السلع الغذائية تكون في متناول الناس أكتر، وإن الناس تبقى مرتاحة أكتر، وأنا عارفة إن في مشروعات زراعية بتحصل وفي تطور كبير جدا بيحصل في الصناعة.. مصر بتتطور إحنا مكوناش كدا، إحنا لما ييجي حد من بره بيشوف بلدنا بيحسدونا على إن إحنا بقينا كدا.

وأضافت وفاء عامر: الناس اللي بتقول أي لازمة الكباري والطرق، بقولهم إنها وفرت علينا الوقت، وفرت علينا وقت كبير أوي، انتو مش مدركين أهمية الوقت.