محمود البزاوي: أنا والفيشاوي زي القط والفار في فيلم عادل مش عادل.. ولسه بتخض لما يجيلي دور جديد| فيديو

تحدث الفنان محمود البزاوي، عن تعاونه مع الفنان أحمد الفيشاوي، في فيلم عادل مش عادل، المقرر عرضه قريبا، موضحا أنهما تعاونا سويًا في أكثر من عمل سابق.

وقال محمود البزاوي، خلال لقائه مع القاهرة 24: مش أول مرة أتعاون مع الفيشاوي، إحنا عملنا مع بعض قبل كدة فيلم شيخ جاكسون، وفيلم رهبة، ودلوقتي عادل مش عادل، واللي عاجبني في الفيلم إن علاقتي أنا والفيشاوي في الواقع زي علاقتنا في الفيلم، علاقة القط والفار والمطاردة.

محمود البزاوي: لما بيجيلي دور بتخض لحد دلوقتي 

وعن فكرة نضوج البزاوي فنيًا، قال: الجمهور هو اللي يقول أنا نضجت فنيًا ولا لأ، وعادي لحد دلوقتي الدور لما بيجيلي بيخضني زي أول دور عملته في حياتي، لأني بخاف جدا وبعمله بنفس الخضة. 

فيلم عادل مش عادل

ويشارك في بطولة فيلم عادل مش عادل كل من الفنانة شيري عادل، محمد رضوان، محمود البزاوي، مصطفى أبو سريع، وآخرين، والعمل من تأليف أدهم سعيد وحسام كمال، وإخراج أحمد يسري.

أعمال أحمد الفيشاوي ومحمود البزاوي

سبق وتعاون محمود البزاوي وأحمد الفيشاوي، في فيلم شيخ جاكسون، بطولة الأخير، والذي عرض في عام 2018، تحت قيادة المخرج عمرو سلامة، وشارك به كل من الفنان ماجد الكدواني، أمينة خليل، أحمد مالك، ياسمين رئيس، سلمى أبو ضيف، درة، بسمة، أمير صلاح الدين، وغيرهم.

عرض فيلم عادل مش عادل لـ أحمد الفيشاوي في يناير المقبل