سلمى الشيمي بعد خروجها من السجن: أنا اتظلمت جدا.. وعيلتي مش معترضين على شغلي | بث مباشر

قالت البلوجر سلمى الشيمي، في أول ظهور لها بعد الإفراج عنها وخروجها من السجن: كانت فترة صعبة جدا، واتظلمت جدا.

وتابعت عارضة الأزياء والبلوجر سلمى الشيمي أن هناك فئة كبيرة تتابعها، ومنها عارضات أزياء ومن يهتمون بالملابس بشكل عام، مضيفة: إيه ذنبي إن حاجتي بتتنشر بسرعة وإني مرغوب فيا من فئة كبيرة من المجتمع.

وأضافت سلمى الشيمي: أنا علاقتي قوية جدا بأهلي، وأهلي رقم واحد في حياتي، وأمي دي تاج راسي وأي خير في الدنيا سببه أمي.. أنا والدتي مدرسة ووالدي دكتور وأخويا كابتن في أحد الصالات الرياضية البراند.. عيلتي معندهومش أي اعتراض خالص على شغلي، أنا شغلي رقم واحد في حياتي، أنا بشتغل من وأنا طفلة عندي 10 سنين.

واستكملت سلمى الشيمي: أنا رقم واحد في مجال الموديل، ومش محتاجة إني أثير الجدل علشان أتشهر لإني مشهورة.

كما تحدثت سلمى الشيمي عن فترة السجن التي عاشتها، حيث قالت: أنا مش هعرف أرجع تاني نفسيا زي الأول، لإن دي كانت أكتر فترة صعبة في حياتي.. السجن غير فيا إني بقيت أهدى من الأول، وخلاني أحمد ربنا على حاجات كتيرة أنا مكنتش بحمد ربنا عليها.

وتابعت سلمى الشيمي: والدتي دايما بتقولي متديش سرك لحد، ومتزعليش.. وأنا الحمد لله مهما عليت ومهما كبرت عمري ما بتغير، والسوشيال ميديا خداعة وأغلب اللي عليها مش حقيقي، وأنا مش كدا، وهفضل لحد ما أموت بنت بلد.

وأضافت سلمى الشيمي: والدي خلال الفترة الأخيرة قالي كفاية شغل بس خوفا عليا.. وأنا مليش ذنب في اللي حصل وإني أدخل السجن، ووعد مني الفترة الجاية هاخد بالي من المحتوى علشان خاطر أهلي والناس اللي بتحبني، وأنا الحمد لله متصالحة مع نفسي.