أحمد فتوح بعد تجديد تعاقده مع الزمالك: وقفتوا في ضهري كتير.. وهثبتلكم التزامي| فيديو
اعتذار أحمد فتوح لاعب نادي الزمالك، إلى ناديه وجمهوره، وذلك بعد تركه لمعسكر الفريق قبل مباراة نادي زد التي خسرها الفارس الأبيض في الدوري الممتاز.
اعتذار أحمد فتوح لنادي الزمالك
وقال أحمد فتوح، بعد تجديد تعاقده مع نادي الزمالك: حابب أشكر جمهور نادي الزمالك العظيم، والفترة اللي فاتت مكنتش أحسن حاجة ليا.. والجماهير ممكن تكون فهمت حاجات كتير غلط، وأنا عمري ما أبيع نادي الزمالك.. وأنا قائد من قوائم الفريق كله ودي حاجة كبيرة بالنسبالي أني أكون كابتن الفريق وأنا عندي 25 سنة.
واستكمل فتوح: حابب أوصلهم رسالة إن انتم وقفتوا في ضهري كتير الفترة اللي فاتت.. وفي الآخر أنا جددت عقدي في نادي الزمالك وعمري ما أمضي في حته في مصر برا نادي الزمالك، والإدارة عارفة حاجة زي كدة.. وأول ما طلبوني وقربنا وجهات النظر جددنا العقد على طول، لأنهم كانوا عارفين اللي في نيتي وأني مش عاوز أروح حتة تانية أو نادي تاني.
وأضاف أحمد فتوح: أنا هثبتلكم الفترة الجاية إن أنا ملتزم ومفيش مشاكل.. وأنا أبنكم وراجعلكم.
وكان أحمد فتوح، أعلن تجديد تعاقده مع نادي الزمالك مرة أخرى بعد انتهاء عقده، قائلًا: أتشرف اليوم بالإعلان عن تجديد تعاقدي في بيتي نادي الزمالك العظيم لتستمر الرحلة سنوات قادمة ولنبدأ سويا الآن الدفاع عن طموحات جماهيرنا وإعادة نادينا لمكانته الطبيعية بكتابة تاريخ جديد يليق باسم الزمالك صاحب الفضل على الجميع.
