نجيب ساويرس عن أبناء عائلته: ولادنا مش مدلعين وكلهم بيشتغلوا وناجحين
تحدث رجل الأعمال نجيب ساويرس، عن أسرته والجيل الثالث من العائلة، قائلا: الجيل الثالث مسلح بالعلم ودرسوا في أمريكا، ويواكبون العصر مع جيل الإنترنت والسوشيال ميديا.
ساويرس: أهم وصية للجيل الثالث من العائلة هي الحفاظ السمعة
وقال نجيب ساويرس في مداخلة تليفزيونية: أنا بسمع لابني وابن اخويا، لأن في حاجات أنا معرفهاش وهما يعرفوها.
وأضاف نجيب ساويرس: ولادنا مش مدلعين خالص وكلهم بيشتغلوا وناجحين في شغلهم، ومش بيعملوا حاجة غلط.
وتابع نجيب ساويرس: أهم وصية للجيل الثالث من العائلة هي الحفاظ على سمعة ساويرس، وهذا ما يسعون إلى فعله.
وسبق أن تحدث المهندس نجيب ساويرس، عن إقامة مهرجان الجونة السينمائي، في ظل الظروف التي تشهدها المنطقة العربية وما يعانيه الفلسطينيون خلال حربهم مع العدو المحتل الإسرائيلي، بعد تأجيله مرتين.
وقال نجيب ساويرس: كان صعب أوي نقرر نعمل المهرجان أو لأ وقعدنا أنا وسميح نفكر، في الآخر، الحياة بتكمل خصوصا إن شعار المهرجان سينما من أجل الإنسانية، ومحدش هيشكك في مشاعرنا مع أهلنا واللي بيحصل حوالينا.
وأوضح ساويرس: الفارق إننا عملنا المهرجان ده وأهديناه لفلسطين، والشعار اللي بدأته لما بدينا المهرجان إننا نعمل حاجة مختلفة، وراجعت بذاكرتي الأفلام اللي أثرت فيا، لقيت إن كلها تتعلق بالإنسانية زي الديكتاتورية الاضطهاد والحروب، فقلت إننا ممكن نحوّل المهرجان ونخدّم على الإنسانية.
