لو عندك رسالة ابعتها بالبريد.. عمرو سلامة يعلق على وصفه لفيلم شماريخ بعدم حمله رسالة محددة |فيديو
علق المخرج عمرو سلامة على تصريحه السابق حول فيلمه الأخير شماريخ، بطولة الفنان آسر ياسين والفنانة أمينة خليل، ووصفه للعمل بأنه لا يحمل رسالة محددة.
وأوضح عمرو سلامة معنى حديثه عن فيلم شماريخ، من خلال حواره مع القاهرة 24، وعلق: ألفريد هيتشكوك من أهم مخرجين التاريخ، قال أنت لو عندك رسالة ابعتها بالبريد، أنت مش محتاج تعمل فيلم عشان تقول رسالة، وأنا كـ عمرو كنت مقتنع في البداية إن أي فيلم هعمله لازم يغير الكون، ويكون له رسالة مهمة جدا، وده كان تفكيري في بداياتي.
وتابع عمرو سلامة: لكن النهاردة أنا شايف إن السينما أوسع من كده، الفيلم ممكن يكون بيقول رسالة وبيناقش قضية هامة، وممكن برضه يكون هدفه الأول والأخير هو إمتاع الناس.
عمرو سلامة: صانع السينما مش شرط يكتب مقال
وأضاف عمرو سلامة: لحد دلوقتي عندي أفلام بتناقش قضية هامة وممكن أعمل الاتنين، عشان عندي قناعة إن صانع السينما مش شرط يكون بيعمل مقال، مش لازم يناقش حاجة محددة في فيلمه، ولا يقنع الناس بحاجات هو مآمن بيها.
فيلم شماريخ
عرض فيلم شماريخ بداية شهر ديسمبر الجاري، في دور عرض السينمات، وهو من بطولة كل من الفنان آسر ياسين، أمينة خليل، الراحل مصطفى درويش، محمد حلمي، محمد ثروت، سامي مغاوري، آدم الشرقاوي، وغيرهم، والعمل من تأليف وإخراج عمرو سلامة.
