نورهان منصور: المرأة ناقصها حاجة من جواها.. والفن رسالة ولازم نركز في اختياراتنا
كشفت الفنانة نورهان منصور بعض الأمور التي يجب على المرأة اتباعها من أجل النهوض بنفسها، مشيرة إلى أن الفن رسالة.
وتحدثت نورهان منصور، خلال لقائها مع القاهرة 24، ضمن العرض الخاص لفيلم الحريفة، قائلة: المرأة مش ناقصها حاجة من برا لكن ناقصها حاجة من جواها، محتاجة تركز على اهتمامها بنفسها أكتر ويكون في وعي أكتر، وتطور من إمكانياتها أكتر، تهتم بحياتها وحريتها وتعبر عن رأيها بحرية، كل بني آدم لو قدر يشتغل على نفسه مش هيبقى محتاج لحد.
نورهان منصور: المرأة ناقصها حاجة من جواها.. والفن رسالة ولازم نركز في اختياراتنا
وعن رأيها في مقولة الفن رسالة، أوضحت نورهان منصور قائلة: شايفة إن كل حاجة الإنسان بيقدمها هي رسالة، الدكتور والمهندس والفنان عندهم رسالة، إحنا بنقدر نأثر على الناس بشكل قوي، مهم نركز في اختياراتنا ومؤثرين بشكل جيد، إحنا بندخل بيوت كل الناس، بنبقى موجودين طول الوقت على الشاشة فطبيعي نركز في اللي هنقدمه واللي مش هنقدمه.
وحول جديد أعمالها القادمة، ردت نورهان منصور: عندي مسلسلين في رمضان وحاجة تانية بشتغل عليها هقولها قريبًا.
وفي وقت سابق، تحدثت نورهان منصور خلال لقائها مع القاهرة 24 ضمن مهرجان الجونة السينمائي عن القضية الفلسطينية قائلة: إحنا نستغل صوتنا عشان نوصّل للعالم قد إيه إحنا عندنا قضية مهمة جدا محتاجين نتكلم عنها، وعلى الرغم من كدا فالكلام صعب إنه يتقال، وشكرًا لـ الفن اللي بيوصل صوتنا.
