خلصوا عليه علشان فلوس الجمعية.. انهيار أسرة شاب قتل غدرًا بالخانكة: كان هيشتغل ويتجوز | بث مباشر

انهارت أسرة الشاب عبد الكريم مدحت، الذي يبلغ من العمر 24 عامًا، عامل بفرن في مدينة أبو زعبل التابعة لمركز الخانكة في محافظة القليوبية، خلال تشييع جثمانه إلى مثواه الأخير، بعد إنهاء حياته على يد 3 أشخاص بسبب مشاجرة نشبت بينهم على فلوس الجمعية.

وكشفت والدة الضحية تفاصيل الواقعة، قائلة: خرج بالليل علشان يدي فلوس الجمعية لعمته، بعدها لقيت ناس جايين وبيقولولي عبد الكريم في المستشفى.. أنا عايزه القصاص العادل وبناشد كل المسئولين إنهم يجيبولي حق ابني.. خدوا ابني غدر، أنا عايز حق ابني.

وأضافت والدة الضحية أنه كان يجهز نفسه للعمل في إحدى الشركات من أجل إعداد نفسه للزواج، معقبة: آخر حاجة قالهالي إنه قلع الانسيال بتاعه، وقالي البسيه يا أمي ده من ريحتي ومتقلعيهوش خالص.. وقالي أوعدك إني مش هتأخر ومش همشي مع حد وحش.

وقال والد الشاب الضحية إن الواقعة حدثت منذ يوم 31 ديسمبر 2023، وأجرى الأطباء لنجله العديد من العمليات الجراحية وباءت جميعها بالفشل، مضيفا: كانوا بيقولولي لو عاش هيبقى مشلول، وأنا كنت موافق بس يبقى موجود معايا.

وأضاف والد الشاب المجني عليه أنه لم يكن بين نجله وبين المتهمين أي علاقة سابقًا، واعترف المتهم خلال التحقيقات أنه هو من أنهى حياته وكان رفقته اثنين آخرين.