ما اتفقناش.. طرح الأغنية الثانية من فيلم درويلة لـ عمرو جابر
طرحت الشركة المنتجة لفيلم درويلة الأغنية الدعائية الثانية للعمل بعنوان ما اتفقناش، للمطرب عمرو جابر على خطى موسيقى الدراما والحزن، وذلك تمهيدًا لطرح الفيلم بدور العرض السينمائي في مصر والوطن العربي خلال الفترة المقبلة.
وتقول كلمات الأغنية:
ما اتفقناش تكون واحشني ومعرفش أكلمك
زي إنسان محبوس في مخه وعايش يرسمك
ليه تسيب ليه يخيب ظني فيك وأكلمك
ملقاش رد ليه تصد ليه مانعني افهمك.
إنك كنت اللي فات واللي جي ودلوقت
وأني راسم 100 حكاية لسه مجاش عليها الوقت
وأني صعب وأنه رعب العمر بعدك وأني أموت
فبعدي عنك، بس أنت سيبت قبلي وسبقت.
كان نفسي أحس أنك حاولت تكسب خاطري حتى مرة
استحملت معاك حاجات وذكريات وحكاوي مُرة
جيت عليا وقولت عادي كنت بتضايق وأداري
بعت نفسي وكنت شاري معاك حياتي ألف مرة.
ما اتفقناش تكون واحشني ومعرفش اكلمك
زي إنسان محبوس في مخه وعايش يرسمك
ليه تسيب ليه يخيب ظني فيك واكلمك
ملقاش رد ليه تصد ليه مانعني افهمك.
اللي خفت أكسر بخاطره كسرني أنا وخاطري
واللي مشيت عشانه الدنيا ممشيش خطوة واحدة وسابني
اللي حاربت عشانه الناس والدنيا بحالها بتعارضني
هو هو نفس الإنسان اللي في الآخر خذلني.
ليه تبيعني ليه تسيبني وسط زحمة الطريق
ليه تسيبني للبكاء ودموعي أموت فيها غريق
ليه تفوتني وسط ليلي أغني وحدي للحيطان
ليه نسيت زمان ليه نسيت زماااان.
وأغنية ما اتفقناش من غناء وكلمات وألحان المطرب عمرو جابر وتوزيع وميكس وماستر محمد خالد الشهير بـ ديكستر.
وسبق وأن أعلن صناع فيلم درويلة يحمل 7 أغاني لمطربين مختلفين تحت عنوان ألبوم يحمل اسم درويلة سيتم طرحهم تباعًا، والبداية كانت الأسبوع الماضي بالأغنية الأولى بعنوان غلط بغلط للفنان حسني شتا.
وفي سياق متصل طرح صناع العمل خلال الفترة الماضية التيزر التشويقي الأول والعمل يضم مجموعة من الفنانين منهم: عمرو عبد الجليل، محمود عبد المغني، أيتن عامر، محمد على رزق، حسنى شتا، إبرام سمير، مسلم، لبنى ونس، نهال نور وآخرين، وهو فكرة وإنتاج محمد دياسطي وإشراف عام أميرة قائد وقصه وسيناريو وحوار لـ محمد دياسطى وعبد الرحمن فتحي وإخراج معوض إسماعيل.
