وزير التموين: إحنا مبنسعرش سلع والقرار الصادر هو مراقبة للأسعار | بث مباشر
قال الدكتور علي المصيلحي وزير التموين والتجارة الداخلية، على هامش افتتاح المرحلة الأولى من المنطقة اللوجستية التجارية فى مدينة دمنهور بمحافظة البحيرة: عندما كُلفت بوزارة التموين والتجارة الداخلية في أخر فبراير 2017 كان هناك احتياج أساسي في مفهوم تنمية التجارة.
وزير التموين يوضح عدم اختصاص الوزارة في تسعير السلع
وأضاف المصيلحي: كان أول اعتماد لخطة تطوير التجارة الداخلية في شهر أكتوبر 2017، وبناء عن هذا الموضوع تواصلنا مع كل المحافظين وكل محافظ قدر يدينا أراضي بحيث تكون جاهزة لعمل مناطق لوجستية ومناطق تجارية أو مخازن إستراتيجية أو أسواق جملة، وهذا الموضوع مهم جدا عشان نبني التجارة الداخلية اللي بتمثل أكتر من 15 إلى 16% من الدخل القومي.
وأكمل وزير التموين: اللجنة العليا الذي شكلها رئيس الوزراء لمتابعة ومراقبة الأسعار تخص 7 سلع أساسية، وهي الزيت، والسكر، والأرز، والمكرونة، واللبن، والجبنة، والفول، ودول سلع أساسية بنتابعهم، ونحن لا نسعر السلع عشان في نوع من الخلط وإن القرار ده قرار تسعير، إحنا مبنسعرش سلع، والقرار مش قرار تسعير، والقرار هو مراقبة للأسعار، فبالتالي المنتج نفسه في الفاتورة الإلكترونية هو اللي هيقول سعر المصنع كام، وأقصى سعر للمستهلك هيكون كام.
واستكمل علي المصليحي: وبالتالي وزارة التموين وحماية المستهلك ومباحث التموين والمحليات يمكنها مراقبة ذلك، والمشكلة مش في المنتج، وأنا لا أدافع عن أحد.. وكل ما السعر يزيد كل ما السوق بتاعه هيقل.
