مش بشرب ومكنش قصدي أموته.. اعترافات السائق المتسبب في حادث أشرف عبد الغفور| بث مباشر

نظرت محكمة جنح أكتوبر، اليوم الاثنين الموافق 8 يناير 2024، أولى جلسات محاكمة فنان تشكيلي تسبب في مصرع الفنان أشرف عبد الغفور، وإصابة زوجته في حادث سير بمنطقة أكتوبر.

وقضت المحكمة تأجيل نظر القضية ليوم 29 يناير للإعلان بالدعوى المدنية.

وحصل القاهرة 24 على نص اعترافات المتهم بالتسبب في وفاة الفنان أشرف عبد الغفور وإصابة زوجته خلال حادث في منطقة أكتوبر.

وقال المتهم خلال التحقيقات إنه لم يقصد إنهاء حياته، مضيفا: اللي حصل إن أنا كنت مخلص شغل في المعادي وكنت مروح البيت في الحي الخامس في أكتوبر بالعربية بتاعتي، وكنت ماشي على الطريق الدائري وأخدت وصلة حازم حسن في اتجاه دريم بارك.

وتابع المتهم: كنت ماشي في نص الطريق، وتفاجأت إن فيه عربية جات جنبي على الشمال وكسرت ناحية اليمين، وحاولت أتفاداها فاتفاجئت بعربية قدامي ودخلت في الشنطة بتاعتها من غير ما آخد بالي وساعتها الأيرباج بتاع العربية فتح ومحستش بأي حاجة وبعد كده نزلت من العربية.

وتابع المتهم: أنا مش فاكر السرعة كام اللي كنت ماشي عليها بالظبط بس تقريبًا سرعتى أقل من 100 كم - ساعة، ومشوفتش سيارة الفنان أشرف عبدالغفور غير وأنا بخبطها.

كما نفى المتهم أنه يتعاطى أي مواد مخدرة، حيث قال: أنا مبشربش غير سجاير، ولما الحادثة حصلت لقيت كل الناس متلمية حوالينا ومكنتش أعرف أعمل أي حاجة عشان أنا كنت تعبان، ومعرفش الفنان أشرف عبد الغفور ولا زوجته  ومفيش أي  علاقة أو خلافات بيني وبينهم.