بعد نجاح مهرجان بنت الجيران.. الشاعر مصطفى حدوتة: مش هشتغل مع حسن شاكوش وعمر كمال تاني
أكد الشاعر الغنائي مصطفى حدوتة، أنه لن يتعاون في أي عمل غنائي مرة أخرى مع مطربي المهرجانات حسن شاكوش وعمر كمال، رغم النجاح الكبير الذي حققه معهما مؤخرًا.
وكشف مصطفى حدوتة في تصريح لـ القاهرة 24، سبب عدم عزمه التعاون مع حسن شاكوش وعمر كمال والمطربة لميس مستقبلا، قائلًا: مش هشتغل مع عمر كمال وحسن شاكوش، ودا قرار واخده قبل كدا، وحسن شاكوش كنت متعاون معاه في أغنية لكن لسه منزلتش لحد دلوقتي.
وعن تفاصيل أغنيته مع حسن شاكوش، أوضح مصطفى حدوتة: الأغنية هتنزل قريب اسمها يا صغنن، بس بقالها سنتين أو تلاتة خلصانة، ومعتقدش أني هعرف أقرر تجربة التعاون معه تاني.
وأوضح مصطفى حدوتة: مش هشتغل مع المطربة لميس، لأني مبستحملش خبطتين من نفس الشخص فمع السلامة.
تعاون مصطفى حدوتة مع حسن شاكوش وعمر كمال
على جانب آخر، تعاون مصطفى حدوتة مع مطربي المهرجانات حسن شاكوش وعمر كمال في العديد من الأعمال الغنائي، والتي حققت ملايين المشاهدات وانتشارا واسعًا، ومن أشهر هذه الأغاني مهرجان بنت الجيران، الذي طرح عام 2020، وتجاوزت الأغنية نصف مليار مشاهدة على موقع الفيديوهات الشهير يوتيوب، إذ حققت 647 مليون مشاهدة.
آخر أعمال مصطفى حدوتة
قدم مصطفى حدوتة مؤخرًا أغنية جديدة بعنوان يا قمر، للمطرب عمرو دياب، والتي طرحت ضمن ألبوم مكانك، من ألحان الهضبة عمرو دياب، وتوزيع وسام عبد المنعم وحققت الأغنية نجاحا كبيرًا.
وتقول كلمات أغنية يا قمر: يا قمر لو في اتنين منك هيكونوا اتنين قمرات، يا قمر لو في تلاتة منك هيبقوا الأهرامات، لو كان في أربعة منك أنا أحب أربع مرات ويا نجمة لو خمسة منك هديكي خمس نجمات، ويا ستي لو في ستة منك أنا موت في الستات، ولو منك سبعة يبقوا عجايب الدنيا بس في شكل بنات.
