عادل شكل يتوقع فوز المنتخب على موزمبيق.. ويفجر مفاجأة: انتظروني في الكاميرا الخفية رمضان 2024| بث مباشر
كشف عادل شكل مشجع نادي الاتحاد السكندري، عن توقعاته اليوم لمباراة منتخب مصر وموزمبيق، في الجولة الأولى من دور المجموعات بكأس الأمم الإفريقية.
توقعات عادل شكل لمباراة المنتخب المصري وموزمبيق
وأوضح عادل شكل، أنه يتوقع اليوم الفوز لمنتخب مصر، موجهًا رسالة لـ محمد صلاح قائلًا: قود يا محمد يا صلاح الفراعنة بالفوز على موزمبيق وفرح شعب مصر، لأن ربنا بيكرمك لأنك بتفرح أهل بلدك وكمان عشان الخير اللي بتعمله وأنا بلقبه بجبل الخير لشعب مصر كله.
وكشف عادل شكل الملقب بـ الزعامة، كواليس مشاركته في فيلم الإسكندراني، بطولة الفنان أحمد العوضي والفنانة زينة، وإخراج خالد يوسف.
وقال عادل شكل: جالي تليفون، واحد قالي أنت مطلوب في فيلم مع المخرج خالد يوسف، ولما قالي كدة مصدقتوش وقولت دا أكيد واحد بيهزر معايا لأن المخرج خالد يوسف يعتبر نمبر وان على مستوى الوطن العربي، وأول مرة قابلت فيها الأستاذ خالد يوسف حسيت أني أعرفه من زمان.
وأضاف عادل شكل: وقت المشهد كان الأستاذ خالد يوسف بيحفظني الكلام المكتوب للمشهد بتاعي وأنا قولتله سيبني أقول حاجات تلقائية والتلقائية بتاعتي عجبته جدا وقالي ياريت تقول المشهد بتاعك وتذود عليه كلام تلقائي، والفيلم الحمدلله نزل وجاب أعلى إرادات.
وفجر عادل شكل، مفاجأة لأول مرة من خلال شاشة القاهرة 24، أنه سيشارك في الموسم الرمضاني هذا العام 2024، من خلال برنامج الكاميرا الخفية، قائلًا: انتظروني في الكاميرا الخفية في رمضان 2024.
