صديق الزوج ضحية زوجته ببدر: قتلته ووزعت جثته على صناديق الزبالة بعد ما ساب أهله عشانها| بث مباشر

كشف أحد أصدقاء الزوج ضحية زوجته وعشيقها بمدينة بدر، تفاصيل واقعة إنهاء الزوجة لحياة زوجها بمساعدة عشيقها وتقطيع جثته إلى 40 قطعة ووضعها داخل أكياس وإلقائها بصناديق قمامة مختلفة. 

وقال صديق الزوج المجني عليه، إن صديقه لم يكن يستحق ما حدث له من زوجته، موضحا: مكنش يستاهل يتعمل فيه كدة، كان حاطتلها وديعة في البنك وكاتب العربية بتاعته باسم ابنه وكان بيعملهم حاجات كتير حلوة.

صديق الزوج يروي التفاصيل

وأشار صديق المجني عليه، إلى أن صديقه تغيب منذ أسبوع، مؤكدا أن زوجته المتهمة ذهبت إلى والده لسؤاله عن زوجها وهي تبكي لكي تنفي الشبهات عنها، قائلًا: راحت لأبويا تسأل على جوزها وهي بتعيط.

وأردف صديق الزوج المجني عليه: قتلته ووزعت جثته على صناديق الزبالة وجاية تسأل عليه وتمثل، وكانت عايزة سواق يروح معاها تدور على جوزها وهي ملقحاه في الزبالة وعاملة نفسها أنها متعرفش عنه حاجة.

وأضاف صديق الضحية: ساب أهله وعمل معاهم مشاكل عشانها، وباع عربيته عشان يصرف عليها وفي الآخر تموته، وكان عندها مشكلة في الخلفة وصرف عليها أكتر من 400 آلف جنيه عشان تخلف ابنه حسن، وقتلته وكانت قاعدة في الشقة وسط الدم.

وأكد صديق المجني عليه، أن زوجة صديقه الضحية كانت تعامل المجني عليه معاملة قاسية وسيئة ولكنه كان يتجنب المشاكل ولا يبالي لما تفعله معه زوجته، قائلًا: كانت بتعامله معاملة وحشة وهو كان بيكبر دماغة وبيتجنب المشاكل عشان بيحبها، ومكنش في أطيب منه ولا كان يستاهل منها تعمل فيه كل دة.. الموضوع يحزن القلب.