شاب يستغيث من ظلم شقيقته: حرمتني من ميراث أبويا وعاوزة تخلص مني | بث مباشر
استغاث شاب يدعى عبد الرحمن من بطش وجحود شقيقته، بسبب استيلائها على حقه في ميراثه الشرعي بعد وفاة والده منذ عام 2017، حيث إن والده كان يعمل تاجرًا ولديه عقار في منطقة الموسكي بالقاهرة.
استغاثة شاب من بطش شقيقته
وقال الشاب عبد الرحمن، إن شقيقه الأكبر كان يعطيه نسبته شهريًا من إيجار المحال في عقار والده، حيث كان يعامله معاملة حسنة إلا أنه فارق الحياة في 2019، وبعد ذلك استولت شقيقته على حقه ورفضت أن تعطيه له.
وتابع: أختي رافضة تديني حقي في ميراث أبويا وعملت معايا مشاكل.. وعمرها ما كانت ليا الأخت السند اللي الواحد يستند عليها بالعكس هي مكانتش بتحب أبويا وكانت عاوزة تخلص منه عشان تورثه.
وأضاف أن شقيقته حاولت أن تنكر نسبه لوالده بعد وفاته حتى لا يتمكن من الحصول على حقه الشرعي في الميراث، لافتًا إلى أنها تسببت في نشوب العديد من المشاكل والأزمات بين أفراد الأسرة بسبب تقسيم الميراث.
واستكمل: أختي نفسها تخلص مني بأي شكل النهاردة قبل بكرة.. وكل ده عشان الفلوس مجنناها وعايزة تاخد كل حاجة لوحدها.. والعقار بتاع والدي اللي فيه محلات ومكاتب بيجيب ملايين وهي اللي بتاخدهم لوحدها وأنا مخدتش ولا جنيه.
وأشار الشاب عبد الرحمن، إلى أن شقيقته تعامله بقسوة شديدة ورفضت أن تعطي الورثة الشرعيين حقهم في ميراث والده بعد وفاته، مختتمًا: أختى من زمان وهي مبتحبنيش وعايزة تخلص مني لأني الوريث الوحيد دلوقتي لوالدي.
