متقعوش في فخ الشياكة.. بطل وبينا ميعاد ينادي بعدم التحدث باللغة الإنجليزية في مصر | فيديو
نادى الفنان أسامة الهادي بطل مسلسل وبينا ميعاد، بعدم التحدث باللغة الإنجليزية في مصر؛ نظرًا لأننا مصريون ولغتنا الأساسية هي العربية، مشيرًا إلى أن هذه اللغة لها وقع وأثر أقوى من الإنجليزية.
ونشر أسامة الهادي مقطع فيديو عبر حسابه الرسمي بموقع إنستجرام، وعلق خلاله قائلًا: عايز أقولكم على حاجة مهمة.. ممكن منكلمش بعض بالإنجليزي، لأننا في مصر ولغتنا الأم هي العربية، ودي الحاجة الوحيدة اللي سابوهلنا اللي قبلنا عشان بدورنا نسيبها للي بعدنا، فامينفعش إحنا نكون السبب في إن اللغة تتلاشى.
أسامة الهادي: متقعوش في فخ شياكة اللغة الإنجليزية
وأردف أسامة الهادي: مش صح إن معظم الأجيال الجديدة مش عارفة تكتب ولا تقرأ عربي، وبعدين إحنا مش شيكاغو، يعني ليه اتنين يبقوا في حدايق الأهرام وبيتكلموا إنجليزي؟، ومتقعوش في الفخ بتاع إن الإنجليزي أشيك، عايز الشياكة بجد؟ اتكلم عربي، ولما حد يسألك عامل إيه، هترد بالعربي تقول الحمد لله في زحام من النعم، ودي أشيك ووقعها على الودن أقوى، فتعالوا منتكلمش مع بعض بالإنجليزي.
مسلسل وبينا ميعاد
يذكر أن أسامة الهادي يشارك في بطولة مسلسل وبينا ميعاد، الذي يعرض حاليًا على شبكة قنوات دي إم سي، وهو من بطولة عدد كبير من الفنانين، أبرزهم الفنانة شيرين رضا، صبري فواز، داليا شوقي، أميرة أديب، يوسف الكدواني، يوسف إبراهيم، تسنيم مطر، وفاء صادق، بسمة، مدحت صالح، وآخرين، والعمل من تأليف وإخراج هاني كمال.
