الإثنين 20 مايو 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

تاجرة عملة.. ضحايا سلمى الغازولي يروون تفاصيل تعرضهم للنصب على يد أكبر تشكيل عصابي

سلمى الغازولي وأشقائها
كايرو لايت
سلمى الغازولي وأشقائها
الثلاثاء 06/فبراير/2024 - 10:06 م

أثارت أكبر تشكيل عصابي في مصر، ضجة عبر منصات التواصل الاجتماعي، حيث قامت 3 أشقاء وصاحبة شركة شحن، بالاحتيال والنصب على ما يقرب من 2000 تاجر ملابس بماركة شي إن الشهيرة، وجمعوا مليار جنيه منهم.

وتمكنت سلمى الغازولي وأشقائها، مستخدمة حيلة بسيطة بالتعاون مع خلود الصاوي، صاحبة شركة الوسيط للشحن من السعودية لـ مصر، في إقناع تجار الملابس بماركة شي إن، أنها ستوفر لهم كوبونات شراء بخصومات، مقابل دفع المقابل المادي من خلال طرق الدفع الإلكترونية، وبخاصة بعد توقف بعض أشكال التعاملات المالية للمصريين خارج البلاد. 

واستطاعت سلمى الغازولي، من جمع ما يزيد عن مليار جنيه مصري من التجار بعد أن أوهمتهم بكوبونات شي إن، وبخاصة أنها ادعت عملها في مجال الملابس الخاصة بماركة شي إن العالمية، وذلك عن طريق ترويجها لـ إعلانات عبر منصات التواصل الاجتماعي، وصفحات لبلوجر مشاهير في مصر.

ضحايا سلمى الغازولي 

ضحايا سلمى الغازولي 

وتواصل القاهرة 24، مع بعض ضحايا سلمى الغازولي في مصر والدول العربية، ليرووا تفاصيل تعرضهم للنصب من أكبر تشكيل عصابي في مصر، ورصد حجم المبالغ التي تم الاستيلاء عليها من قبل سلمى الغازولي وشريكتها خلود الصاوي.

وقالت نوران ربيع، إحدى ضحايا سلمى الغازولي وخلود الصاوي، في تصريحات خاصة لـ القاهرة 24، كل تعاملي كان مع خلود الصاوي، وتعرفت على سلمى الغاوزلي مؤخرًا من خلال خلود اللي التعامل كله كان معاها، وبعد ما جمعوا الفلوس وبدأنا نطالب بحقنا منهم، بدأت خلود تقول أنا مليش دعوة ومخدتش حاجة من حد، كل الفلوس دخلت حساب سلمى.. مفيش ولا جنيه دخل حسابي، قائلة: دا طبعًا بحجة إنها كانت بتبعت للنا حسابات نحول عليها الفلوس ومكناش نعرف دا حساب مين.

سلمى الغازولي تجمع أموالا عبر منصات التواصل

خدت ملايين بدون ضمان 

وأضافت نوران ربيع: أنا بشتغل في بيع شي إن وخلود بتاخد الفلوس مننا مقدمًا بدون أي ضمانات، وبعد ما لمت كل المبالغ الكبيرة من الناس مجبتش كارت الشراء، وأول تعامل معاها كان من أقل من شهر، وبدأت معاها على أساس إسمها وإنها في السوق من سنين، لكن اتنصب عليا في 16 ألف جنيه.

أما عن سناء حمادة، أحد ضحايا سلمى الغازولي، والتي تعمل في بيع ملابس شي إن منذ 5 سنوات، أنا اتنصب عليا في 200 ألف جنيه، وخلود الصاوي تعتبر أكبر وسيطة في شي إن وحد ثقة في السوق، وكانوا بيشحنوا الشغل لينا من السعودية لـ مصر، وجابوا لينا عرض إنهم ييوفروا لنا الشغل بسعر كويس، من خلال كوبون شراء، ودا في خلال الحجز بفترة معينة، وأغلب اللي شغالين في المجال وثقت في سلمى عشان خاطر خلود، دا غير إن كل البلوجر عملوا ريفيوهات.

وأضافت سناء حماد، إحدى ضحايا عملية النصب، من محافظة البحيرة، كلنا دفعنا الفلوس وفي ميعاد التسليم طلعت سلمى قالت إن تعبانة وفي المستشفى واصبروا عليا، وبعد يومين قالت الفلوس متأخرة.. اصبروا عليا فلوسكم في الأمان، ويوم 2 فبراير كله هياخد فلوسه، وكانت كل يوم ترد علينا وتطمنا إن الفلوس موجودة، وخلود كانت تقول الدنيا أمان وسلمى لو قلت معاكم حقكم عندي وأنا شريكتها.

تفاصيل أكبر عملية نصب 
تفاصيل أكبر عملية نصب 

واستكملت سناء، يوم 1 فبراير بالليل، سلمى قالت هسلم الكل فلوسه الصبح، وبعدها بشوية قفلت تليفوناتها واختفت، أنا منصوب عليا في 200 ألف جنيه، وفي ناس منصوب عليهم في مليون ونص، وكل دا من غير ضمانات.

النصب على تجار شي إن 

وروت ضحية أخرى، خلود الصاوي أشهر وسيطة شحن شي إن قاعدة في السعودية، عندها جروب كبير وكل سيلر شي ان عليه، ودخلت بحوار الجفتات شريكتها سلمى، ودا بحسب كلامها، كانت دائمًا تقول إنها شريكة سلمى واستغلت شهرتها وإن الناس عارفاها، وبدأت تاخد حجوزات لجيفتات تساعدنا نطلب أوردرات، خصوصًا بعد وقف الفيز والليمت بتاع البنوك، لكن بعد كدا عرفنا إن سلمى بتشتغل بتجارة العملة.

خلود الصاوي تتاجر في العملاء عبر منصات التوصل

وأردفت هاجر: أنا منصوب علي في 28 ألف، وأول ما سلمى هربت خلود قالت إنها اتنصب عليها هي كمان، وبتتهرب مننا حاليًا ومش بترد على رسايلنا، وقولنا لها توصل معانا لحل لاننا اتعاملنا معاها هي ومنعرفش سلمى أصلا.. احنا وثقنا في اسم خلود الصاوي، ومع ذلك مش بترد وبتتهرب مننا ومعتمدة إنها في السعودية ومحدش هيعرف يوصلها، لكن البنات قدموا بلاغات فيها في السعودية، بس عرفنا من جيرانها في جدة إنها سافرت الامارات.

تابع مواقعنا