حمدي الوزير بعد تعرضه للهجوم: فيه مؤامرة على رموز مصر

شن حمدي الوزير هجوما شديد اللهجة على مستخدمي مواقع التواصل الاجتماعي بعد حملة الهجوم عليه بسبب إعلانه الأخير ليك في الكيك، واستنكر الفنان هذه الحملة مؤكدًا أن الإعلان ليس به إساءة لـ أحد.

وقال حمدي الوزير في تصريح خاص لـ القاهرة 24، إن هناك مجموعة من الأشخاص على مواقع التواصل الاجتماعي، متربصة به وبرموز جمهورية مصر العربية، موضحًَا: ليه الناس دايما بتربط اسمي بالتحرش، أنا أكتر واحد بيتعرض عليه أعمال وبرفضها، عشان كدا أنا مُقل في أعمالي، وفيه مؤامرة كبيرة على رموز مصر.

وأضاف حمدي الوزير: أنا مليش في الخمرة ولا المخدرات ولا الحاجات دي الحمد لله، اللي الناس متعرفهوش أني شاركت في حرب 67، وحرب 73، وبقولها أهو أنا عندي 75 سنة، وكنت أصغر مجند في القوات المسلحة، ومحدش مصدق لأني مليش في السُكر ولا الكلام ده، أنا بعمل 12 تراك.

إعلان حمدي الوزير

وفي أول رد لحمدي الوزير بعد انتقاد إعلان ليك في الكيك، قال: الصورة ملهاش علاقة بالتحرش ولا حاجة، دي ناس تعبانة في دماغها، ومريضة نفسيا، وبعدين الإعلان مكتوب أنت ليك في الكيك هو له اسم تاني؟ معروفة أنه كيك الحلويات، والحكاية إن دي ناس متنمرة لأي حاجة كويسة، الناس اللي بتقول إن عندنا بنات وأمهات بتمشي في الشوارع وإيه يعني لما يمشوا؟ هو أنا بعمل حاجة في البنات ولا جيت جنبهم والعياذ بالله، والبنات دول أخواتنا، والصورة مفيهاش أي حاجة.

إعلان ليك في الكيك 

وتعاقد حمدي الوزير على إعلان مع إحدى شركات الحلويات بعنوان ليك فيك الكيك، ونشرت الشركة مجموعة من البوسترات الخاصة بالإعلان في شوارع وميادين مصر، الأمر الذي جعل بعض من الجمهور ومستخدمي مواقع التواصل الاجتماعي، يهاجمون الإعلان بسبب صورة حمدي الوزير، في مشهده الشهير التحرش، الأمر الذي جعل الفنان يتصدر التريند خلال الساعات الماضية.

آخر أعمال حمدي الوزير

وشارك الفنان حمدي الوزير في مسلسل موسى بطولة الفنان محمد رمضان، والذي عرض عام 2021، وضم العمل: رياض الخولي، سمية الخشاب، عبير صبري، هبة مجدي، ضياء عبد الخالق، منذر رياحنة، فريدة سيف النصر، رامي وحيد.

بعد الهجوم عليه.. حمدي الوزير يرد على منتقدي إعلان ليك في الكيك