حسن الرداد: سمير غانم أثر في أجيال كتيرة.. ومعظمنا اتربى على الضحك معاه | بث مباشر

أُقيم اليوم السبت 10 فبراير 2024 مؤتمر صحفي للفنانة إيمي سمير غانم والفنان حسن الرداد، ضمن فعاليات الدورة الثالثة عشر من مهرجان الأقصر للسينما الإفريقية، وذلك على هامش تكريمهما في حفل الافتتاح الذي أُقيم أمس في معبد الأقصر.

تكريم إيمي سمير غانم وحسن الرداد

وتحدثت إيمي سمير غانم خلال المؤتمر الصحفي عن سيرة والدها الراحل الفنان سمير غانم، حيث قالت: بابي كان في مكان كده لوحده وعمرنا ما سمعنا إنه فيه مشاكل حصلت بينه وبين حد.. والحتة دي خدناها منه أنا ودنيا وعمرك ما هتسمع إننا عملنا مشاكل مع أي أحد.

وأضافت إيمي، أنها بعد وفاة والدها سمير غانم تفاجأت بمدى حب الناس له وتقديرهم لأعماله الفنية، معلقة: بسمع كتير أوي لغاية دلوقتي عن حب الناس لـ بابي وكل ما ينزل فيديو ألاقي كل الأجيال بتترحم عليه وبيقولوا إنه كان كوميديان كبير.. والحاجات دي كلها بتخليني فخورة بيه.

وفي السياق ذاته، تطرق الفنان حسن الرداد للحديث عن سيرة الفنان الراحل سمير غانم، حيث قال إنه له تأثير كبير في أجيال معدودة على مر السنوات.

وتابع الرداد: سمير غانم أثر في أجيال كتيرة جدًا وإحنا كـ شباب لما بنكون قاعدين مع بعض بحس إن كل واحد جواه سمير غانم صغير.. وده لأننا اتربينا على طريقة الضحك بتاعته وأعتقد إن سمير غانم متغلل جوانا كلنا من غير ما ندري.