إزالة إعلان ليك في الكيك لـ حمدي الوزير بعد استياء المتابعين
أثار إعلان لشركة حلويات ضجة عبر منصات التواصل الاجتماعي، والذي تم إزالته بعد ساعات من نشره مؤخرًا بشوارع القاهرة، حيث تضمن الإعلان صورة لـ الفنان حمدي الوزير من مشهده الشهير بالغمزة في فيلم قبضة الهلالي الذي قدمه عام 1991، ويحمل الإعلان جملة ليك في الكيك.
وفسر رواد مواقع التواصل الاجتماعي، الإعلان المثير للجدل، على أنه يحمل إيحاءات جنسية، وخاصة أن البعض يعتبر هذه الصورة للفنان حمدي الوزير هي رمز التحرش الجنسي في مصر.
تفاعل السوشيال ميديا مع الإعلان
ولاقى الإعلان الخاص بأحد شركات الحلويات في مصر، سخرية كبيرة عبر السوشيال ميديا من قبل مستخدمي منصات التواصل الاجتماعي، كما عبر البعض عن استيائه بمدى تندي الإعلان والشركة المروجة له.
وكتب أمير جيرجو، منشورًا له عبر موقع فيسبوك، ساخرًا من الإعلان، في إعلان منتشر قوي دلوقتي على كوبري أكتوبر، واعتقد بالتأكيد في أماكن أخرى، الإعلان غالبًا عن منتج كيك، جايب حمدي الوزير بحركته الشهيرة، والمسج اللي بيوصلها الإعلان ببساطة هي سؤال بيقول ليك في الكيك؟.. وطبعا اختيار حمدي الوزير وطريقة السؤال عبارة عن إيحاء جنسي واضح.. والحقيقة مش قادر افهم إيه المبرر إن شركة كيك تقرر أن رسالتها وحملتها الإعلانية تبقي عبارة ده؟.
ونشر آخر عبر صفحته الشخصية بموقع فيسبوك، الاعلان ده بيتقال عليه Dirty Marketing.. لو متعرفش يعني ايه! فهو نوع من أنواع التسويق اللي فيها إيحاءات جنسية أو التنمر، أو أي شئ يثير استفزاز العملاء، لغرض عمل Awareness سريع ويبدأ الناس يدوروا عليه، تعالوا نتكلم عن الكامبين دي ليك في الكيك هو غالبًا إعلان شركة بسكويت او كيك، المهم ان الـ Copywriter اللي كتب الإعلان هو شخص كريتيف وعمل Concept حلو وقدر يوصل العميل يفهم البراند ويدور عليه في أسرع وقت، خصوصا أنه على Billboard محتاج اقل من 10 ثواني عشان تشوفه وتفهمه، بس في الأخر هي فكرة وحشة وملهمش علاقة بالماركتينج النظيف، وممكن يعمل Back fire على البراند، بس هو اختار الأسهل والأسرع وراح لطريق الـ Dirty Marketing، ودي كانت النتيجة وهنشوف الفترة الجاية الإعلان هيكون ايه.
نجاح قوة السوشيال ميديا في ازالة الاعلان
وبعد موجة الغضب والسخرية التي واجهت الإعلان، من قبل مستخدمي مواقع التواصل الاجتماعي، تم إزالة الإعلان المثير للجدل من شوارع القاهرة، حيث كتب صاحب حساب عبر موقع فيسبوك: شكرًا لكل شخص ساهم في إزالة الإعلان العجيب ده.. من أحلى ما في البلد دي إن لسه عندنا أخلاق وقيم كويسة.
وتابع صاحب المنشور، لازم نحافظ علي الموضوع ده حتي لو في ناس بتشوف إن دمه تقيل..، ده من أهم العواميد للبلد والله، ومن ساعة ما بقينا عايزين نستعمل كلمة witty في حملات إعلانية ونقلد وخلاص وابتدينا نشوف الحاجات دي، لا عايزين witty ولا واطي، جميل إننا نهرج من غير ما نقل أدبنا في حاجة الأطفال بتشوفها في الشارع، وناس متعرفش معنى الأسلوب دا.. ياريت نقلد في الحاجات المفيدة، زي إتقان العمل والمواعيد المضبوطة مش في إعلانات زي كده.
