مرتضى منصور بعد إيقاف تنفيذ حبسه في قضية سب موظفة المركزي للمحاسبات: الأسود مبتهربش| بث مباشر

قضت محكمة النقض اليوم السبت في جلسة نظر الطعن المقدم من مرتضى منصور على حكم حبسه 6 أشهر مع النفاذ، بتهمة سب وقذف لمياء خيري المدير العام بالجهاز المركزي للمحاسبات ورئيسة لجنة التفتيش على مخالفات مجلس إدارة نادي الزمالك في العام قبل الماضي، والتي تم تجميده بسببها، بقبول تصالح الطرفين وإيقاف تنفيذ العقوبة لانقضاء الدعوى.

وقال مرتضى منصور، بعد إيقاف تنفيذ حكم حبسه في قضية سب موظفة المركزي للمحاسبات: الحكم كان موقوف وأنا مكنتش هربان.. مفيش أسد بيهرب.

إيقاف تنفيذ حبس مرتضى منصور في قضية سب موظفة المركزي للمحاسبات

وأكد مرتضى منصور، أنه تقدم بمذكرة نقد للطعن على الحكم الصادر ضده بحبسه لمدة 6 أشهر، قائلًا: قدمت مذكرة نقض واللي في المذكرة أنا قولته.

وأنا أتحملت ما هو فوق طاقة البشر بسبب الزمالك، وللأسف في بعض الأولاد المجرمين الألتراس المحظورين بحكم محكمة جماعة إرهابية محظورة محتلة النادي وبتعمل علامة رابعة جو النادي، والإخوان اللي أنا كنت شاطب عضويتهم حسين جه رجعهم، وأعضاء مجلس الإدارة فيهم 4 ألتراس جوه النادي وهما اللي بيدخلوا الناس دول، وأنا فوقتلهم خلاص أنا مش عايز أرجع نادي الزمالك لكن عايز نادي الزمالك يرجع الزمالك.

ووجه المستشار مرتضى منصور رئيس نادي الزمالك الأسبق رسالة لحسين لبيب رئيس مجلس إدارة نادي الزمالك: يا حسين يا لبيب أنت سلمت النادي لممدوح عباس وأبنه أيمن، والجماهير نسيت العشيرة السودة وبقوا فرحانين بيه دلوقتي.