نادر أبو الليف: كنت بمد إيدي لمؤلفين وأساعدهم ودلوقتي بينكروا الجميل
شن الفنان نادر أبو الليف هجومًا على بعض الفنانين، ممن لم يذكروا أسماء المؤلفين الذين عملوا معهم في بداية مشوارهم الفني، واستنكروا الجهود التي كان يبذلها لمساعدتهم للوصول إلى النجاحات التي يعيشونها حاليًا.
ونشر نادر أبو الليف صورة من بوستر ألبومه الذي يحمل عنوان سلف ودين، وأصدره عام 1994، وعلق عليه قائلًا: أتمنى النظر في تاريخ نزول ألبوم سلف ودين، وأسماء المؤلفين اللي كنت بتعاون معاهم وباخد منهم أغاني، وكنت بساعدهم وبمد إيدي ليهم، وبقدمهم للساحة الفنية.
وتابع نادر أبو الليف: بظهرهم وبعرفهم للجمهور للأسف، وحاليًا بينكروا الجميل، وبيقولوا إنهم كانوا شغالين مع مطربين هابطين، وللأسف مع احترامي للي بيقول الكلام الفارغ ده، لولا الناس اللي حضرتك كنت بتشتغل معاهم واتعرفت على ملحنين عن طريقهم، مكنش حد عرفك، ولاسمع عنك، حتى في البوتاجاز وكان زمانك بتألف جو الحمام مع نفسك ولنفسك.
واستكمل نادر أبو الليف: اللي بيحترم بيحترم نفسه، ولكن إن لم تستح فأفعل ما شئت، وكل واحد معدنه بينضح عليه وبيدل عليه، وتربيته كمان بتبان لأن الجمهور المحترم بيفهم، وبيعرف، وبيحس، ومش هقول غير الله وكيلي وهيجبلي حقي وحسبي الله ونعم الوكيل، وربي قادر على كل شيء وحقي رب العرش هيجيبه ليا قريب بأمر الله تعالى.
واختتم نادر أبو الليف، قائلًا: حبيت بس أعرف الساده المتابعين، وأوضح الصورة كاملة، واتمنى النظر في صورة الألبوم، والنظر في تاريخ نزوله، ومعرفة ظهور المؤلف سنة كام، وتعرفوا مين سبب وجوده في الساحة الفنية بالمناسبة، ده أنا نادر أنور، قبل ما تبقي شهرتي أبو الليف، ده للعلم فقط لاغير ولكم جزيل الشكر والتقدير والاحترام تحياتي.
