أبرز تصريحات عصام كاريكا: زعلت من نفسي بسبب أغنية حب إيه ولو رجع الزمن هرفض أقدمها
حل الفنان عصام كاريكا ضيفا على الإعلامية منى الشاذلي مقدمة برنامج "معكم"، وكشف خلال لقائه العديد من الأسرار عن مسيرته الفنية، كما روى كواليس أغنية أول ما عرفت إنك، التي غناها الفنان محمد سعد ضمن أحداث فيلم بوحة للفنانة مي عز الدين.
أبرز تصريحات عصام كاريكا
نستعرض لكم في هذا التقرير أبرز تصريحات عصام كاريكا التلفزيونية:
- زعلت من نفسي لما قدمت أغنية حب إيه بفيلم اللمبي ولو رجع بيا الزمن هرفض.
-فيلم اللمبي لما أتطرح كتير من المثقفين هاجموني وقالوا عصام كاريكا بهدل الأغنية وإزاي يشوه أغنية أم كلثوم.
-محمد سعد زعل ومشي وكلمت المنتج أشرحله الوضع، قالي مشي الفيلم عشان خاطري.. وغيرنا كلمات الأغنية ونجحت.
-فكرة أغنية البسكلتة لمحمد سعد وعبلة كامل بتاعتي، والشاعر الغنائي هو اللي كتبها.
-متعاملش أنا ومحمد سعد من وقت أغنية أول ما عرفت إنك في فيلم بوحة، عشان طلب يغير كلمات الأغنية، وأنا قولتله يا عم مينفعش.
-أنا عملت كتير والناس فاكراني بـ شنكوتي بس.
-عمري ما لبست بدلة إلا في فيلم عايز حقي.. وفي فرح بنتي كانت تاني مرة وكنت متكتف بسبب البدلة الرسمية.
أعمال عصام كاريكا
وعلي جانب آخر، شارك عصام كاريكا بالأغنية الخاصة لفيلم الإسكندراني، حيث قال في تصريح لـ لقاهرة 24 مؤخرًا: عملت أغنية حلوة في الفيلم اسمها أنا الفيلم اللي مات بطله، الغنوة بإذن الله دراما، ويا رب تعجبكم، ومبسوط إني في فيلم زي الإسكندراني، أستاذ خالد يوسف شخص عبقري وتشرفت بالعمل معه.
