والد شاب من كفر الشيخ ضحية أصدقائه بأوغندا: كان هييجي يقضي رمضان معانا بس ملحقش | بث مباشر

سيطرت حالة كبيرة من الحزن على أسرة الشاب زين محمد، ابن قرية حصة الغنيمي التابعة لمركز قلين في محافظة كفر الشيخ، وذلك عقب أن لقي مصرعه في أوغندا على يد 4 من أصدقائه من أبناء قريته، حيث أنهم خططوا للتخلص منه لرغبتهم في سرقة أمواله قبل سفره إلى مصر في 8 مارس للزواج.

مقتل مصري على يد أصدقائه في أوغندا

وقال والد المجني عليه إنه علم بمقتل نجله في أوغندا على يد أصدقائه الأربعة في يوم السبت الموافق 24 من شهر فبراير الماضي 2024.

وتابع: المتهمين اتعشوا معاه وابني كان جايب ليهم أكل وبعدها قتلوه.. أنا مش هقول حاجة غير يارب أنا عاوز حق ابني حبيبي.

وأضاف والد المجني عليه أن نجله كان بارًا به وبوالدته وبجميع أقاربه لأنه كان يتمتع بأخلاق حسنة ويتميز بحنية القلب، لافتًا إلى أن سافر إلى دولة أوغندا من أجل البحث عن مصدر رزق آمن له.

واستكمل: ابني كان طالع يشتغل ويجيب رزقه عشان يتجوز.. ولما ربنا رزقه بالناس اللي عرفهم هناك من مصر اللي هما المتهمين كان مأمن ليهم واحتضنهم.. اداهم بضاعة بالأجل أكتر من مرة وكان بيطالبهم بالفلوس.

وأوضح والد المجني عليه أن المتهمين تناولوا وجبة العشاء مع نجله ثم أنهوا حياته وألقوا بجثمانه في إحدى الغابات بدولة أوغندا، ثم تمكنت الشرطة الأوغندية من إلقاء القبض عليهم واعترفوا بارتكاب الجريمة، مختتمًا: أنا عاوز جثة ابني عشان أدفنها هنا.. ابني كان جاي عشان يقضي رمضان معانا بس غدروا بيه عشان الفلوس.