يسري نصر الله: مش من حق حد يعترض على ظهور كروان مشاكل وغيره في عمل فني
كشف المخرج الكبير يسري نصر الله، عن رأيه في مشاركة مشاهير السوشيال ميديا في عمل فني، خاصة بعد استيائه من الهجوم على صناع مسلسل بطن الحوت لظهور كروان مشاكل في العمل.
وقال يسري نصر الله في لقائه مع القاهرة 24: انتقدت الناس اللي بتهاجم ظهور كروان مشاكل في المسلسل، لأن مش من حق حد يقول مين يمثل في العمل، طالما شايف الشخصية دي راكبة على الدور اللي أنا عاوزه وعاوز أظهر حاجة حقيقية ومش من حقك تقول لأ.
يسري نصر الله: أنا مش مسؤول عن تحقيق العمالة الكاملة في السينما
وأضاف يسري نصر الله: بالنسبة لي لمًا يجي واحد زي المخرج أحمد فوزي صالح عاوز يصور كروان مشاكل محدش له دعوة، عاوز مني فلوس من النقابة علشان تدي له تصريح أهلا وسهلا، زي لو أنا رايح أخطب بنت هل ينفع يتقال لي خد أختها؟ فيه حاجة مش مظبوطة في المنطق ده.
وبشأن عدم إعطاء فرصة لغير الدراسين للتمثيل ومنحها لأشخاص آخرين، قال يسري: مش مسؤول عن توظيف كل الناس وتحقيق العمالة الكاملة في السينما والمسرح، مسؤول أعمل شغل جيد وده اللي ليك عندي كمتفرج، هو المتفرج هيحاسبني مشغلتش مين؟ أنا بتحاسب على النتيجة والعمل مصدقه ولا لأ.
مهرجان الإسماعيلية
الجدير بالذكر، أن مهرجان الإسماعيلية يحتفي هذا العام بالدورة الـ 25 التي ستكون استثنائية في فعاليتها حيث الاحتفال بالتاريخ الطويل للمهرجان ودوراته السابقة، وتقام الدورة الـ 25 في الفترة من 28 فبراير حتى 5 مارس 2024.
