نجل حلمي بكر خلال عزاء والده: جنازته تليق به وأتمنى يكون مبسوط | فيديو

قال هشام نجل الموسيقار  حلمي بكر، خلال تلقيه واجب العزاء في والده بمسجد الحامدية الشاذلية: الجنازة كانت تليق بوالدي حلمي بكر، وأتمنى أنه يكون راضي ومبسوط بالحشد اللي جه يؤدي واجب العزاء فيه النهاردة.

نجل حلمي بكر يروي ذكرياته مع والده 

وأضاف هشام: وأنا راجع في الطيارة كنت بفتكر أبويا حلمي بكر مش الموسيقار حلمي بكر، والخبر جالي وأنا كنت في العربية ومتجه للمطار، وكان الموضوع صعب عليا، وقضيت الرحلة كلها لمدة 25 ساعة بفكر في ذكرياتي مع أبويا.

وأردف هشام نجل الموسيقار الراحل حلمي بكر: افتكرت الذكريات الخاصة مع والدي، والدي كان بيحب ينزل بليل الساعة 3 عشان يجيب الجرايد والمجلات كلها أول ما تنزل، كان بيصحيني من نومي بشويش ويقولي يلا ننزل كنا بنروح عند محطة القطر نجيب الجرايد ونرجع الساعة 4 الفجر.

وأكمل هشام: كان معاد نومي الساعة 10 كان والدي يصحيني الساعة 2 أروح معاه ونرجع 4 الفجر، ومقدرش أصحى أروح المدرسة تاني يوم

وشهد عزاء الموسيقار حلمي بكر، نشوب مشاجرة بين المنتجة ليلى الشبح وأسرة أرملة حلمي بكر، في مسجد الحامدية الشاذلية.

وقالت ليلى الشبح لـ هند عاكف، خلال المشاجرة: فين الـ 2 مليون جنيه يا هند يا عاكف، أنتي جاية تمشي في قتيل؟، أنتم عالم نصابين، هند عاكف جاية ليه؟