مايان السيد: مفيش تشابه بيني وبين شخصيتي في إمبراطورية ميم.. ولو توقعتوا النهاية ممكن نغيرها
تحدثت الفنانة مايان السيد عن مشاركتها في مسلسل إمبراطورية ميم، المقرر عرضه في موسم رمضان المقبل 2024، بطولة الفنان خالد النبوي، وآخرين.
وقالت مايان السيد خلال تصريحات تليفزيونية: أنا مش هكون من أولاد خالد النبوي بس أنا برضه من الإمبراطورية لأن حرفي بيبتدي بحرف الميم، واسمي مادي، والخط الدرامي بتاعها هيكون مختلف عن الفيلم.
وأضافت مايان السيد: دوري هيكون مع نور النبوي أكتر وهيبقى في علاقة معينة، ومتحمسة الناس تشوف العلاقة دي لأنها مختلفة ودور لأول مرة بقدمه، والمخرج محمد سلامة بيقدمني بشكل جديد.
مايان السيد: لو توقعتوا نهاية المسلسل ممكن نغيرها
وواصلت مايان السيد: مفيش تشابه بين شخصية مادي وبيني خالص، وكل لما باجي أصور المشاهد بتفاجئ منها كل مرة، وبحب دايما أعمل الحاجات المختلفة، ومليش مشاهد كتير مع أستاذ خالد النبوي بس متحمسة للتعاون معاه والحمد لله الكواليس حلوة أوي.
واختتمت مايان السيد حديثها، مشيرةً إلى أن فريق عمل مسلسل إمبراطورية ميم، سيظل يصوّر العمل خلال شهر رمضان، قائلةً: هنفضل نصور في رمضان ولو الجمهور توقع الأحداث ممكن نغير النهاية.
مسلسل إمبراطورية ميم
يشارك في بطولة مسلسل إمبراطورية ميم العديد من الفنانين، أبرزهم: الفنان خالد النبوي، حلا شيحة، نور النبوي، مايان السيد، نشوى مصطفى، محمود حافظ، هاجر السراج، محمد محمود عبد العزيز، الطفل آدم وهدان وغيرهم من الفنانين، سيناريو وحوار محمد سليمان عبد المالك، وإخراج محمد سلامة.
