هدى هاني: مبعملش مشاهد خارجة لأني بتكسف.. ولما بقع في مشكلة بحس إن الملايكة مسكاني
تحدثت الفنانة هدى هاني عن إمكانية تقديمها مشاهد جريئة في أعمالها الفنية، مشيرة إلى أنها لا تستطيع تقديم هذه النوعية من المشاهد.
تصريحات هدى هاني لـ القاهرة 24
وقالت هدى هاني في لقائها مع القاهرة 24: بطبعي بتكسف وبخجل، والفنانة لازم تعمل كل حاجة بعيدا عن الحرام والحلال، ولكن كرم ربنا في مهنتنا لو رفضت عمل في مشهد مش هقدر أعمله، مش هخسر شغلتي، وهشوف عمل تاني، وفي حال عرض عليا مشهد زي ده ممكن أتناقش مع المخرج، ولو تمسك بالمشهد هضطر أسيبه، لكن المخرج مش هيروح لهدى من البداية، وحتى لو أخرني فنيا أنا مش هقدر أدِّي في ده كل واحد عارف قدراته.
على جانب آخر، تحدثت هدى هاني عن الحسد وقالت: الحسد مذكور في القرآن وموجود وساعات بتبقي هتقعي وبتحسي إن فيه حد بيمسكك، أنا بحس أن الملايكة بيمسكوني، ساعات تحسي إنك هتمعلي حادثة وفجأة ربنا ينجيكي ودي عناية ربنا، لو عاوز العيبن تصيبك هتصيبك حتى لو في بيتك.
وأضافت هدى هاني: ساعات بكون ماشية وممكن حد ما أعرفهوش يبص لي وأنا بحس بنظرته أنها مش عادية فاتكعبل وأوقع، وساعات العكس بحس أن فيه خطر جامد أو هقع وألاقي حد بيسندني.
آخر أعمال هدى هاني
كانت آخر أعمال هدى هاني مشاركتها في مسلسل الخواجة عبد القادر، الذي عُرض في السباق الرمضاني لعام 2012 بطولة يحيى الفخراني، وشارك فيه أيضًا الممثلة سلاف معمار، مها أبو عوف، أحمد فؤاد سليم، سوسن بدر، هدى هاني.
