بعد اللي مالوش كبير.. دينا فؤاد تعلق على تعاونها مع العوضي في مسلسل حق عرب
تحدثت الفنانة دينا فؤاد عن مسلسل حق عرب بطولة الفنان أحمد العوضي، المرتقب عرضه في الموسم الرمضاني 2024، والذي تتعاون فيه معه مجددًا، بعد مسلسل اللي مالوش كبير.
بعد اللي مالوش كبير.. دينا فؤاد تعلق على تعاونها مع العوضي في مسلسل حق عرب
وقالت دينا فؤاد خلال مداخلة هاتفية: بعد نجاح اللي مالوش كبير، وقبلها الاختيار؛ اللي كرمت عليه من الرئيس في انتصارات أكتوبر، بنأكد التعاون مرة أخرى في حق عرب، والكيميا اللي بينّا اتاكدت، وعاملين حاجة محترمة في منطقة المغربلين، وبقدم دور بنت اسمها حنان الغرباوي وهي بنت واقفة على ناصية شاي بتساعد أبوها.
دينا فؤاد تتحدث عن دورها في مسلسل حق عرب
وأضافت دينا فؤاد: فيه قصة حب ودراما وشخصية مركبة، والشخصية اللي هقدمها من الشخصيات اللي فيها أكتر من تحول وتعبت عليها وكل الصناع تعبوا معايا علشان يطلعوا الشخصية بالشكل اللي هتشوفوه إن شاء الله.
دينا فؤاد: معرفناش نصور في شارع المعز من حب الناس للعوضي
وكشفت دينا فؤاد أماكن تصوير مسلسل حق عرب: صورنا مسلسل حق عرب في أماكن كتير زي وسط البلد والمعز وميدان الإسماعيلية ومصر الجديدة، ولما كنا في المعز تقريبا ما عرفناش نصور بسبب أحمد العوضي، لأنه محبوب بشكل كبير ومش طبيعي من الشارع المصري، وأنا شفت ده بعينيا، الناس بتحبه جدًا وبتستقبله وتوقفه، وهو له طريقة خاصة في التعامل مع الناس، ويا رب الحب ده يترجم في نجاح المسلسل في رمضان.
دينا فؤاد تكشف رسالة مسلسل حق عرب
كما كشفت دينا فؤاد رسالة المسلسل قائلة: رسالة المسلسل باختصار هي أنه لا يصح إلا الصحيح، ويا جماعة أي حد بيعمل أي حاجة، أيًا كانت إيه هي مش بتستخبى، بتظهر وتتعرف لو بعد 100 سنة، ومفيش حاجة غلط حد بيعملها بتفضل مختفية طول العمر، مفيش حاجة اسمها الجربمة الكاملة زي ما بيقولوا.
